Саха сиригэр 1700-тэн тахса оҕо сөмөлүөтүнэн көтүүгэ 50% чэпчэтиини ылла

2025 сыл тохсунньу 1 күнүттэн Саха сирин авиахампаанньалара 2-12 саастаах оҕолор сөмөлүөтүнэн көтүүлэригэр 50% чэпчэтиини көрөн саҕалаата. Тырааныспар уонна суол хаһаайыстыбатын министиэристибэтигэр иһитиннэрбиттэринэн, тохсунньу 1 күнүттэн олунньу 28 күнүгэр диэри туһааннаах өҥөнөн 1708 оҕо туһаммыт.

Ордук элбэх билиэти “Якутия” авиа хампаанньа атыылаабыт – 1182 билиэт, оттон “Полярные авиалинии” 526 оҕоҕо чэпчэтиини көрбүт.

Санатан эттэххэ, дойду Бэрэсидьиэнэ Владимир Путин быһаарыытынан бу сыл тохсунньу 25 күнүттэн Саха сирин авиахампаанньалара 2-12 саастаах оҕолорго 50% чэпчэтиини көрөллөр. Манна субсидиялаах бырагыраамалар уонна норуоттар икки ардыларынааҕы рейстэр хапсыбаттар. Бу туһунан Ил Дархан уонна Бырабыыталыстыба пресс-сулууспата суруйар.