Хаартыска: sakha.gov.ru
2024 сыл саҕаланыаҕыттан сынньаммыт сирдэригэр кэлэ-бара айаннарын ороскуотун 20005 биэнсийэлээх киһи төлөттөрдө диэн Саха сиринээҕи Арассыыйа Социальнай Пуондатын салаатын управляющайа Марина Герман иһитиннэрдэ.
“15877 киһиэхэ ороскуоттарын толуйдубут, оттон Хоту сиргэ олорор 4128 биэнсийэлээхтэр анал толуон ыллылар. Бу манна 467 мөл. солк. ананна”, — диэн кини кэпсээтэ.
Салаа управляющайа этэринэн маннык кэмпэнсээссийэни ылар быраап Уһук Хоту сиргэ олорор, үлэлээбэт, саастарынан эбэтэр инбэлииккэ тахсыбыттарынан страховой биэнсийэни ылар биэнсийэлээхтэргэ баар. Кэмпэнсээссийэни сылга биирдэ ылыахха сөп.
“Толуону ыларыгар биэнсийэлээх киһи айанныан иннинэ хайаан да элбэх функцияны толорор кииҥҥэ эбэтэр олорор сиринэн Социальнай пуонда салаатыгар килийиэннэр сулууспаларыгар тиийэн, сайабылыанньа биэриэн наада. Толуонунан ылыллар билиэт СФР Салаатын кытта судаарыстыбаннай хантараагы түһэрсибит авиахампаанньаҕа эрэ оҥоһуллуон сөп. Маны тэҥэ хайа баҕарар хайысханан айанныырга тимир суол тырааныспарыгар эмиэ анал толуон бэриллэр”, — диэн быһаарда Марина Герман.
Ороскуотун төлөтөрүгэр биэнсийэлээх кэлэ-бара айаннаабыт докумуоннарыгар сыһыаран, ханна сынньаммытын ыйан туран сайабылыанньа суруйар итиэннэ элбэх өҥөнү оҥорор кииҥҥэ, олорор сиринэн Социальнай пуонда салаатыгар килийиэннэр сулууспаларыгар, буостаҕа эбэтэр Госуслуги порталга биэриэхтээх. Сынньаммыт сиригэр кэлэ-бара бэйэтин тус тырааныспарынан сылдьыбыт буоллаҕына, тырааныспар пааспарын, уматыгын төлөөбүт чиэктэрин, тимир суолунан сылдьыбыт буоллаҕына, “Арассыыйа тимир суоллара” ААУо-тан айанын төлөбүрэ төһөтүн туһунан ыспыраапканы көрдөрүөхтээх.
Арассыыйа тас өттүгэр тахсыбыт буоллаҕына, кэмпэнсээссийэ кыраныыссаҕа диэри төлөнөр.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…