Саха сиригэр 2022 сылга 11,5 тыһыынчаттан тахса оҕо күн сирин көрбүт

СӨ Доруобуйа харыстабылын министиэристибэтэ иһитиннэрбитинэн, Ийэ сылыгар 11 592 оҕо төрөөбүт. Итиннэ 5 975 уол, 5 617 кыыс буолара бэлиэтэнэр. Оттон ахсынньыга 970 оҕо күн сирин көрбүт: 520 уол, 450 кыыс.
ЗАГС управлениета иһитиннэрэринэн, уолаттарга ордук Лев, Артём, Марк, Артур, Михаил уонна Дамир диэн ааттары биэрбиттэр. Оттон сэдэх ааттарынан: Алмаз, Вирджил, Ден, Ёсин, Зубайр, Леомар, Райн, Сүбэдэй, Фома, Яномир диэн буолбуттар.
Төрөппүттэр кыргыттарын ордук София, Алиса, Анна, Виктория, Милана, Алина, Ева, Аделина, Алина уонна Амелия диэн ааттаабыттар. Сэдэх ааттарынан – Авелина, Айла, Аливияна, Анна-Аврора, Ифора, Лауритта, Луна, Нафисамох, Нодирабегим, Осия, Риана, Сафа, Сиана, Тейлона, Улита, Юлиса диэн буолбуттар.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскаҕа түһэриитэ
Сообщить об опечатке
Текст, который будет отправлен нашим редакторам: