Саха сиригэр 2023 сылга 11 тыһыынчаттан тахса оҕо төрөөбүт

Өрөспүүбүлүкэтээҕи ЗАГС управлениетын чахчыларынан,  уолаттары ордук Матвей, Тимур, Александр, Максим, Марк, Мирон, Артём, Владимир, Михаил, Роман диэн ааттаабыттар.

Уолаттар истэригэр сэдэх ааттар — Аким, Вадим, Гаврил, Демид, Леонид, Никита, Платон, Родион, Святослав, Трофим.

2023 сылга кыргыттарга ордук киэҥник тарҕаммыт ааттар: София, Виктория, Ева, Мичийэ, Анна, Алиса, Амелия, Амина, Варвара уонна  Мия.

Кыргыттарга сэдэх ааттар —  Алексия, Вилена, Есения, Ксения, Лера, Майя Нина, Олеся, Снежана уонна  Яна.

Саха сирэ төрөөһүн көрдөрүүтүнэн Уһук Илиҥҥэ лиидэр буолар. Оттон киһи олоҕун орто уһуна Арассыыйа орто көрдөрүүтүн куоһаран, 73,5 сылга тэҥнэстэ.

Оҕолоох дьиэ кэргэттэргэ көмө миэрэлэрин, ол иһигэр дойду Аҕа баһылыга Владимир Путин көҕүлээбит «Демография» национальнай бырайыак көмөтүнэн, 2023 сыл бэс ыйыгар Саха сирин нэһилиэнньэтин ахсаана 1 мөлүйүөн киһиэхэ тиийбитэ.