Саха сиригэр 2024 сыл бастакы аҥаарыгар  5318 оҕо күн сирин көрдө

2024 сыл бэс ыйыгар Саха сиригэр 911 оҕо төрөөтө: 474 уол уонна 437 кыыс.

Бу сыл аҥаарыгар уопсайа 5318 кырачаан күн сирин көрдө, итинтэн 2656 уол уонна 2662 кыыс.

ЗАГС управлениетын чахчытынан, бэс ыйыгар уолаттарга  ордук Тимур, Эркин, Мирон, Арылхан, Артем, Сайаан, Роман, Эрэл, Александр, Виктор, Алексей, Лев, Максим уонна Дмитрий  диэн ааттары биэрдилэр.

2024 сылга сэдэх уонна ураты ааттар уолаттарга манныктар: Лев, Альберто, Ариан, Милан, Илёс, Моруот, Алиан, Диас, Гордей.

Бэс ыйыгар кыргыттарга маннык ааттар тэнийдилэр: София, Сайаана, Ева, Кэрэли, Амелия, Оливия, Аделина, Арина уонна  Виктория.

Ону тэҥэ испииһэккэ сэдэх, эриэккэс ааттар манныктар: Наина, Томирис, Ивангелия, Кия, Лисэль, Мартиша, Алёта, Аяврина-Нолтэк, Халиммахон, Ивалина.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Андрей Сорокин хаартыската