Саха сиригэр 2024 сылга 29 байыас социальнай хантараак түһэрсибит

Ааспыт сылга социальнай хантараагы барыта 120 анал байыаннай дьайыы кыттыылааҕа уонна кинилэр дьиэ кэргэттэрэ түһэрсибиттэр.

Байыастарга үлэ булууга уонна бэйэ дьыалатын тэрийиигэ көмө тиһиктээхтик оҥоһуллар. Бу туһунан Үлэҕэ уонна социальнай сайдыыга миниистирэ Елена Волкова иһитиннэрдэ.

«2024 сылга барыта байыастары кытта 29 уонна дьиэ кэргэттэрин кытта 91 социальнай хантараак  түһэрсиллибит. Ил Дархан Айсен Николаев Ил Түмэҥҥэ туһаайан этиитигэр байыаннай дьайыы кыттыылаахтарыгар социальнай адаптация тиһигин күүһүрдэр наадатын эппитэ. Онон социальнай хантараак бырагыраамата үлэнэн хааччыйыыга биир сүрүн хайысханан буолар. Маннык дьыаланы тэрийэр баҕалаахтарга социальнай көмүскэл управлениетыгар наадалаах консультацияны биэрэллэр, докумуоннары хомуйарга уонна сайабылыанньа суруйарга көмөлөһөллөр», — диэн кэпсээтэ Елена Волкова.

Санатан эттэххэ, «Доступное арендное жилье в Дальневосточном федеральном округе» бырагырааманан Саха сиригэр 1003 кыбартыыра тутуллуоҕа, диэн «Центр развития жилищных программ республики» ААО иһитиннэрбитэ.