2024 сылга Саха сирин судаарыстыбаннай бүддьүөтүттэн 119 элбэх оҕолоох ыалы олорор дьиэнэн хааччыйыыга 500 мөл солк. көрүлүннэ, диэн өрөспүүбүлүкэ тутууга министиэристибэтэ иһитиннэрэр.
Дойду Бэрэсидьиэнэ Владимир Путин Арассыыйаҕа элбэх оҕолоох ыал саҥа нуорманан, уопсастыбаҕа баайынан уонна көҕүлээччинэн буолуохтаах диэн соругу туруорбута. Үс, түөрт уонна онтон элбэх оҕолоох ыаллар үрдүк статустаналлар, онон судаарыстыба өттүттэн өйөбүлүнэн туһаныахтаахтар.
2012 сылтан 2023 сылга диэри Саха сиригэр олорор усулуобуйаларын элбэх оҕолоох 600 ыал тупсарбыта. Олохтоох салайыныы уорганнара 13222 сир учаастагын биэрдилэр.
8381 учаастак — уоттаах, 4260 учаастак- гаастаах. Саха сирин судаарыстыбаннай бүддьүөтүттэн бу сыалга быйыл 352,7 мөл солк. көрүллүбүтэ, 2025 сылга 247,2 мөл солк. былааннаммыта.
2025 сыл бүтүөр диэри Саха сиригэр 929 учаастагы уотунан, 785 учаастагы гааһынан, 54 учаастагы сылааһынан хааччыйыахтаахтар.
Санаттахха, Саха сирин баһылыга Айсен Николаев 2024 сыл муус устар 26 күнүгэр “Саха Өрөспүүбүлүкэтигэр элбэх оҕолоох ыаллары социальнай өйөбүл эбии миэрэлэрин туһунан” Ыйаахха илии баттаабыта. Бу ыйаах элбэх оҕолоох дьиэ кэргэн олоҕун тупсарыахтаах.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
В.Г. Белинскэй аатынан Кыраайы үөрэтэр бибилэтиэкэ бэйэтин ааҕааччыларын айылҕаттан айдарыылаах айар куттаах дьону кытта сотору-сотору…
2025 сыл түмүгүнэн Алмазэргиэнбаан дойду үп ырыынагар бигэ тирэхтэннэ уонна Арассыыйа топ-100 баанын иһигэр киирдэ.…
Саҥа сылы көрсө бүгүн, ахсынньы 19 күнүгэр, Ил Дархан Айсен Николаев РФ уонна Саха Өрөспүүбүлүкэтин…
Бэйэлэрин кыайан туттуммат дьоҥҥо Госдума маннык сокуону ылынна. Азартаах оонньуулартан босхолонуон баҕарар киһи бэйэтигэр бобууну…
Быйыл Саха сирин оскуолаларыгар мэдиссиинэ хосторун үлэлэрин сөргүттүлэр. Маннык үлэни саҕалыырга Ил Дархан Анал этиитэ…