Саха сиригэр 2024 сылга орто хамнас төһө буолбутуй?

Сахастат дааннайдарынан 2024 сыл тоҕус ый түмүгүнэн Саха сирин тэрилтэлэригэр балаҕан ыйыгар орто хамнас 103,2 тыһыынча солкуобайга тэҥнэспит. Оттон муус устарга саамай — 110,2 тыһыынча солкуобай буолбут.

Оттон урбаанньыттарга уонна физическэй сирэйдэргэ хамнас алын кээмэйэ 2024 сыл бастакы кыбаарталыгар 89 644 солк. уонна иккис кыбаарталыгар — 95 371 солк. буолбут.

Саамай үрдүк хамнастаах баахта үлэһиттэрэ буолаллар. Ол курдук, холобур, массыына буровой установкаларыгар токарь хамнаһа 180 тыһыынча солкуобайтан саҕаланар. Ону кытта үрдүк хамнастаах профессионаллар ахсааннарыгар кыламан оҥорор маастардар киирэн биэрдилэр. Кинилэргэ үлэ биэрээччилэр 150 тыһыынча солкуобай хамнас төлүүргэ бэлэмнэрин биллэрбиттэр. Ордук наадыйар идэлэр ортолоругар бухгалтер (35-100 тыһыынча солкуобай), администратор (30-100 тыһыынча солкуобай), суоппар (200 тыһыынча солкуобайга диэри) киирэллэр.