Хаартыска: SakhaGov
Саха сиригэр 2025 сылга 500 массыынаны гаас уматыкка көһөрүөхтэрэ. Бу туһунан Бырамыысыланнас уонна геология министиэристибэтигэр иһитиннэрдилэр.
2024 сыл түмүгүнэн Саха сиригэр гаас уматыкка 800-тэн тахса массыына көһөрүллүбүт — бу Ил Дархан Айсен Николаев туруорбут 500-тэн тахса тырааныспары көһөрүүгэ соругун балачча куоһарар. Ону таһынан 2028 сылга диэри 4 тыһыынчаттан итэҕэһэ суох тырааныспары гаас оттукка көһөрүллэрэ былааннаммытын бэлиэтээтэ. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Ил Дархан Айсен Николаев «ЯТЭК» АУо 2024 сыллааҕы үлэтин-хамнаһын отчуотун уонна 2025 сыллааҕы былааннарын көрүү кэмигэр, Дьокуускай куоракка 2024 сыл сайыныгар буолбут курдук гаас уматык тиийбэтэ хатыламматыгар болҕомтотун уурда. Бырамыысыланнас министиэристибэтин дааннайынан, Саха сиригэр 23 тыһыынчаттан тахса экологическай тырааныспар регистрацияламмыт, онон олохтоохтор сыл ахсын 2 миллиард солкуобайтан тахса суума харчыны экономиялыыр кыахтаналлар. Нэһилиэнньэни өйөөһүҥҥэ гаас баллонун оборудованиетын туруорууга 90%-ҥа диэри субсидия көрүллэр. Ону таһынан айылҕа гааһынан үлэлиир тырааныспарга 50%-наах нолуокка чэпчэтии көрүллэр. Саха сиригэр гаһы таҥастыыр биэс аккредитациялаах пуун үлэлиир — Дьокуускайга, Ленскэйгэ уонна Мииринэйгэ. Ону тэҥэ 10 метан уонна 30 пропан сапыраапката баар.
Ааспыт сыл түмүгүнэн Айсен Николаев федеральнай таһымҥа эрэгийиэннэр ортолоругар 10 саамай көхтөөх баһылыктарын ахсааныгар киирдэ.…
Мэҥэ Хаҥалас оройуонун 100 саастаах олохтооҕор 1 мөлүйүөн солкуобайы туттардылар. Аллараа Бэстээх бөһүөлэгин олохтооҕо, Аҕа…
Дьокуускай маастар-былаанын олоххо киллэриини тохсунньу 14 күнүгэр, оптуорунньукка, Ил Дархан Айсен Николаев уонна куорат мэрэ…
Саха сиригэр билигин аҕыйах кэрэ аҥаар саҕынньах кэтэн сылдьар курдук, дьон үксүн пуховик куурканан кыстыыр.…
Дьокуускай куорат «Хаҥалас хапсаҕайа» норуоттар икки ардыларынааҕы турниры ыытарга бэлэмнэнэр. Барыллаан турнирга аҕыс судаарыстыбалар бэрэстэбиитэллэрэ,…
Байыаннай дьайыы кыттыылаахтарыгар уонна кинилэр дьиэ кэргэттэригэр социальнай-психологическай киин уопсайа 35 000 көмө өҥөтүн оҥордо.…