Саха сиригэр 2025 сыллааҕы тиийинэн олоруу кээмэйэ олохтонно

СӨ Бырабыыталыстыбата 2025 сылга өрөспүүбүлүкэ нэһилиэнньэтин тиийинэн олорор кээмэйин бигэргэттэ, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.

Быһаарыы социальнай-үлэ сыһыаннаһыыларын бэрээдэктиир өрөспүүбүлүкэтээҕи үс өрүттээх хамыыһыйа этиитин учуоттаан баран ылылынна.

2025 сылга нэһилиэнньэҕэ ортотунан тиийинэн олоруу кээмэйэ 26777 солк. тэҥнэстэ.

• Үлэлиир киһиэхэ — 29187 солк.,
• Биэнсийэлээххэ — 23028 солк.,
• Оҕоҕо — 25974 солк.

Бу алын кээмэй араас босуобуйалары, төлөбүрдэри ааҕарга улахан суолталаах. Кыаммат араҥаҕа көмөлөһөр социальнай бырагыраамалары оҥорорго эмиэ тиийинэн олоруу алын кээмэйигэр тирэҕирэллэр.

Санатан эттэххэ, 2024 сылга Саха сиригэр тиийинэн олоруу кээмэйэ үлэлиир киһиэхэ 25107 солк., биэнсийэлээххэ — 19809 солк., оҕоҕо — 23598 солк. буолар.