Хаартыска: sakha.gov.ru ылылынна
Сүбэ мунньахха Ил Дархан Айсен Николаевка Саха сиригэр 2030 сылга диэри туризмы сайыннарыы стратегиятын кэпсээтилэр.
Бу туризмы кэҥэтэргэ, сайыннарарга уонна куоталаһар кыаҕы үрдэтэргэ сыаллаах-соруктаах оҥоһуллар.
—-Саха сиригэр туризмы сайыннарыы — эрэгийиэҥҥэ экэниэмикэни үрдэтэр уонна саҥа үлэ миэстэтин тэрийэргэ кыаҕы биэрэр. Биһиги ис туризм туруктаах сайдыытын хааччыйыахтаахпыт. Ону сэргэ инфраструктураны, туристическай маршруттары киэҥник сайыннарыахтаахпыт, — диэтэ Ил Дархан Айсен Николаев.
Стратегия пандемиянан уонна аан дойду балаһыанньатынан туризм эйгэтигэр уларыйыылары учуоттаан, ону тэҥэ саҥа федеральнай приоритеттарга сөп түбэһиннэрэн оҥоһуллубут. Биир сүрүн хайысханан, маныаха, ис туризмы сайыннарыы буолбут. Бу экэниэмикэ көрдөрүүлэрин улаатыннарар эрэ буолбакка, олохтоох дьон олоҕун-дьаһаҕын хаачыстыбатын тупсарарга эмиэ көмөлөһүө диэн бэлиэтэнэр.
—-Туризм Сахабыт сирин экэниэмикэтин үгүс салааларыгар, атыыга-эргиэҥҥэ, оҥорон таһаарыыга уонна өҥөнү оҥоруунан дьарыктанааччыларга улахан сабыдыаллаах буолуоҕа. Сүрүн болҕомто туризмы сайыннарыыга, атын сирдэртэн ыалдьыттары ыҥыран аҕалыыга туһуланар, — диэн бэлиэтиир СӨ урбааҥҥа, эргиэҥҥэ уонна туризмҥа миниистирэ Тимур Ханды.
Манна дьоһуннаах көрүүнэн, хайысханан туристическай маршруттары тэрийии уонна ыраах сытар уустук суоллаах-иистээх сирдэри тупсарыы буолар. Бу эрэгийиэн бары сиригэр-уотугар туризмы бигэтик сайыннарарга, көҕүлүүргэ кыаҕы биэрэр.
—Биһиги сыалбыт — Саха сиригэр тастан туристары угуйары таһынан, олохтоох дьоҥҥо-сэргэҕэ эмиэ ураты кэрэ, интэриэһинэй уонна кинилэр сылдьалларыгар эмиэ сөптөөх, табыгастаах буолуохтаах диэн. Бу өрөспүүбүлүкэ бүттүүн дьүөрэлэһэн сайдарыгар, миэстэтигэр экэниэмикэни бөҕөргөтөргө уонна дьоҥҥо саҥа кыаҕы биэрэргэ туһаайыллар, — диир миниистир.
Манна даҕаттахха, Big Data иһитиннэрбитинэн, 2024 сылга Саха сиригэр 290 тыһ. кэриҥэ турист сылдьыбыт. Бу туризм хайысхата өрө тахсыытын көрдөрөр. 2023 сыллаахха 242 киһи сылдьыбыта бэлиэтэнэн турар. Онтон 2027 сылга өрөспүүбүлүкэҕэ туристар ахсааннарын 700 тыһ. диэри улаатыннарар былаан баар.
СӨ Ил Дарханын уонна Бырабыыталыстыбатын пресс-сулууспата
Социальнай төлөбүрдэр тохсунньуга кыраапыгынан түһүөхтэрэ. Бу туһунан Дьокуускайдааҕы социальнай управление иһитиннэрдэ. 70-80 саастарын туолбут…
Ахсынньы 31 күнүгэр - 2024 сыл бүтэһик күнүгэр саҥа Ый үүнэр. Бу күҥҥэ "Хара Ый"…
Аҕыйах хонугунан Дьиэ кэргэн сылын атаарыахпыт. Онон бу үтүө сылы түмүктээн, Саҥа дьыллааҕы хаһыаппытыгар элбэх…
Дьокутаат Виктор Лебедев уонна "Саханефтегазсбыт" аатыттан М.Е. Николаев аатынан Мэдиссиинэ киинин - 1-кы №-дээх Өрөспүүбүлүкэтээҕи…
Бүгүн, ахсынньы 30 күнүгэр, Нам улууһун Түбэтигэр 1949 сыллаах төрүөх киһи сүппүт. Бу туһунан СӨ…
Кэлээри турар сылга, Моҕой сылыгар төрөөбүт дьон 12 сыл анараа өттүгэр Саҥа дылы хайдах көрсүбүттэрин,…