Хаартыска: sakha.gov.ru
Ил Дархан Айсен Николаев сорудаҕынан эдэр исписэлиистэр үлэ үөрүйэҕэр үөрэнэр бырагыраамалара олоххо киириэҕиттэн, 360-тан тахса эдэр киһи уонна уһуйааччы харчынан өйөбүлү туһанна. Төлөбүр кээмэйэ үлэ үөрүйэҕин ааһааччыга (стажировкаланааччы) ыйга 19 тыһ. солк., оттон кинини үөрэтэр маастарга – 9,5 тыһ. солк.
Өйөбүл бу көрүҥүн Мииринэй, Алдан, Ленскэй, Нерюнгри, Мэҥэ Хаҥалас улуустарын уонна Дьокуускай куорат үлэ үөрүйэҕэр холонооччулара туһаналлар.
Үбүлээһин “2020-2024 сс. СӨ нэһилиэнньэ дьарыктаах буолуутугар көмөлөһүү” судаарыстыбаннай бырагырааманы олоххо киллэриигэ туһаайыллыбыт өрөспүүбүлүкэ бүддьүөтүн суотугар көрүллэр.
2022 сыл түмүгүнэн 37 сыһыарыллыбыт уһуйааччылаах 40 эдэр исписэлиискэ үлэҕэ үөрүйэҕи маннык тэрилтэлэр тэрийбиттэр: «АЛРОСА» АХ, «Сахатранснефтегаз» АУо, «Золото Селигдара» АУо, «Саха сирин тимир суоллара» АХ, «Жилсервис» ХЭУо, «Управление муниципальной собственностью и закупками Нерюнгринского района» тэрилтэ, ИП «Илларионов Д.В.», «Бухгалтер» фирма ХЭУо, «Теремок» уһуйаан, Ленскэй куорат 1-кы нүөмэрдээх оскуолата, «Алданнааҕы киин балыыһа».
Эдэр исписэлиистэр силиэсэр-сантехник, үөрэх чааһын сэкирэтээрэ, тьютор, производственнай үөрэх маастара, инженер, таһаҕас тиэйэр массыына суоппарын үөрэнээччитэ, инженер-гидрогеолог, химическэй анаалыс 4-с эрэсэрээттээх лабараана курдук дуоһунастарга үлэлииргэ үөрэммиттэр.
Санатан эттэххэ, үлэ үөрүйэҕэр үөрэтиини, эдэр исписэлиистэр ылбыт идэлэригэр сатабыл, уопут иҥэринэллэрин, ону тэҥэ, баар вакансияларынан уонна саҥа үлэ миэстэлэринэн үлэҕэ киирэллэрин туһугар тэриллэр. Тустаах бырагыраамаҕа 35-гэр диэри саастаах дьон кыттыахтарын сөп.
Ил Дархан уонна Бырабыыталыстыба пресс-сулууспата
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…