Хаартыска: Андрей Сорокин, СИА.
Быйыл Саха сиригэр 250 тулаайах уонна төрөппүт көрүүтэ суох хаалбыт оҕо дьиэнэн хаачыллыаҕа диэн өрөспүүбүлүкэ Тутууга министиэристибэтэ иһитиннэрэр.
Бу сылга субвенция кээмэйэ 840 мөл. 438 тыһ. солк. тэҥнэһиэҕэ, ол иһигэр 140 мөл. солк. тахса суума дойду хааһынатыттан көрүллүөҕэ.
“Көрүллүбүт сууманы 250 олорор дьиэни ыларга хантараак түһэрсэргэ 18 улууска үллэрэр былааннанар, ол иһигэр саҥа дьиэҕэ (первичный рынок) 415 мөл. солк. тахса суумаҕа 153 кыбартыыраны, эрдэтээҥҥи дьиэлэргэ (вторичный рынок) 132 мөл. солк. тахса суумаҕа 32 кыбартыыраны ыларга, ону тэҥэ, 292 мөл. солк. тахса суумаҕа 65 дьиэ сэртипикээтин биэрэргэ”, — диэн өрөспүүбүлүкэтээҕи биэдэмистибэ баһылыга Виктор Романов иһитиннэрэр.
“Тулаайах оҕолору уонна төрөппүт көрүүтэ суох хаалбыт оҕолору дьиэнэн хааччыйыы” бырагыраама олоххо киириитин үлэтин Арассыыйа бэрэсидьиэнэ Владимир Путин уонна дойду Бырабыыталыстыбата ураты хонтуруолга тутар. Тустаах бырагыраама иитинэн Аллараа Бэстээх бөһүөлэгэр икки элбэх кыбартыыралаах дьиэ үлэҕэ киирдэ.
2022 сыллаахха Ил Дархан Айсен Николаев көҕүлээһининэн Саха сиригэр дьиэ сэртипикээттэрин көрүү мэхэниисимэ саҕаламмыта. Бу сэртипикээти киһи бэйэтэ талан хамсаабат баайга-дуолга атастаһыан сөп. Саҥаны киллэрии уочараты аҕыйатта итиэннэ тулаайах оҕолор дьиэнэн хааччыллар бырааптара олоххо киириитин түргэтэттэ.
Ааспыт сылга Саха сиригэр 424 тулаайах уонна төрөппүт көрүүтэ суох хаалбыт оҕо дьиэнэн хааччыллыбыта. 2019-2023 сылларга, уопсайа, 2218 киһи дьиэни уонна сэртипикээти ылбыт.
Ил Дархан уонна Бырабыыталыстыба пресс-сулууспата.
Дьокуускайга алтынньы 20 күнүгэр «Арктика» атыы-логистика хампаанньатын «АрктикВкус» диэн саҥа кэнсиэрбэ оҥорор сыаҕа аһылынна. Бу…
Быйыл күөн күрэс биирдиилээн уонна кэлэктиибинэн номинацияларынан ыытылынна. Өрөспүүбүлүкэ 22 орто анал үөрэҕин тэрилтэтиттэн 216…
Тымныы түһэн, тумуу элбээн, дьон ыалдьара элбээтэ. Оҕолор уһуйааннарга, оскуолаларга сыстыһан кэлэллэр. Маныаха күүстээх хиимийэлээх…
Билигин Саха сиригэр өрүстэр уонна күөллэр муустара ситэ тура илик, онон мууска сатыы да, тырааныспарынан…
Бүгүн Горнай улууһа бэлиэ түгэни – улуус олохтооҕо, тыыл уонна үлэ бэтэрээнэ Мария Григорьевна Тарасова…
Ааспыт нэдиэлэ устата Саха сиринээҕи Росгвардия подразделениелара харабылланар эбийиэктэртэн киирбит 152 иһитиннэриинэн тахсыбыттар, ол түмүгэр…