Хаартыска: sakha.gov.ru
Саха сиригэр “Уһук Илиҥҥи уонна Арктическай ипотека” бырагыраамаҕа 27,5 тыһ. тахса ыал кытынна.
Бу Уһук Илиҥҥи эрэгийиэннэр ортолоругар биир бастыҥ көрдөрүү буолар. Ол туһунан Уһук Илини уонна Арктиканы сайыннарыы корпорацията (КРДВ) иһитиннэрэр.
КРДВ дааннайынан, Уһук Илиҥҥэ уонна Арктикаҕа чэпчэтиилээх ипотека кирэдьиитинэн уопсайа 143 тыһыынчаттан тахса ыал уонна исписэлиис туһаммыт.
Уһук Илиҥҥи уонна Арктика ипотекаларын биэрии тэтимэ 2024 сыллааҕы таһымҥа төннүбүт, бэриллибит ипотека уопсай суумата 681 млрд солк. тахсыбыт.
Уһук Илини, Арктиканы сайыннарар министиэристибэ баһылыгын солбуйааччы Эльвира Нургалиева иһитиннэрбитинэн, бу ыйга Арассыыйа бырабыыталыстыбата чэпчэтиилээх ипотеканы биэрэр бааннарга толуйуу таһымын үрдэттэ.
“Онон, киһи 2025 сыл олунньу 7 күнүттэн атырдьах ыйын 6 күнүгэр диэри уһук илиҥҥи уонна арктическай ипотеканы ыллаҕына, бааннар судаарыстыбаттан 3% диэри толуйуу харчытын ылыахтара. Өскөтө кэтэх дьиэни тутууга ипотека бэриллэр түгэнигэр, толуйуу кээмэйэ үрдүк буолуоҕа – 3,5% диэри. Бу миэрэ Киин баан инфляцияны утары охсуһар кэмигэр бааннар чэпчэтиилээх ипотеканы биэрэ туралларыгар наадалаах”, — диэн быһаарда.
Бу быһаарыы көмөтүнэн “Уһук Илиҥҥи уонна Арктическай ипотека” бырагырааматынан кирэдьиити биэрии кээмэйэ былырыыҥҥы таһымҥа төннөн кэллэ. Бааннар кирэдьиит биэриигэ урукку усулуобуйаларыгар, ол иһигэр бастакы төлөбүр кээмэйигэр эмиэ төнүннүлэр, диэн суруйар Ил Дархан, бырабыыталыстыба пресс-сулууспата.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…