https://www.sakha.gov.ru/news/front/view/id/3489577
СӨ Ил Дархана Айсен Николаев уонна «Газпром» ПАУо бырабылыанньатын бэрэссэдээтэлэ Алексей Миллер бигэргэппит «Гааһынан хааччыйыы уонна гаастааһыны сайыннарыы бырагыраамаларын» иитинэн, 2029 сыл бүтүөр диэри 755 км гаас ситимэ тардыллыахтаах, 28 нэһилиэнньэлээх пууҥҥа 8 403 дьиэ гааска холбонуохтаах.
СӨ бырабыыталыстыбата туһааннаах нэһилиэнньэлээх пууннарга баар хочуолунайдары гаас оттукка көһөрүүгэ эбэһээтэлистибэ ылыммыт. Бу туһунан эрэгийиэннээҕи ыстаап мунньаҕар бастакы вице-премьер Дьулустаан Борисов иһитиннэрдэ.
СӨ бырабыыталыстыбатын чилиэннэрэ, «Газпром газификация» уонна «Сахатранснефтегаз» АУо бэрэстэбиитэллэрэ кыттыылаах мунньахха 2024-2025 сылларга өрөспүүбүлүкэни гааһынан хааччыйыы уонна социальнай гаастааһын тула кэпсэттилэр.
«Сахатранснефтегаз» АУо кылаабынай инженерэ — генеральнай дириэктэри бастакы солбуйааччы Александр Гоголев иһитиннэрбитинэн, 2024 сылга хампаанньа 105,4 км гаас ситимин таҥмыт.
«Былырыын гааһынан хааччыйыы 11 эбийиэгин тутуу саҕаламмыта. Мантан биэһэ номнуо 90 бырыһыаннара бэлэм. 2025 сылга бөһүөлэк иһинээҕи гаас ситимин тутуутун Өлүөхүмэҕэ, Ленскэй Бэчэнчэтигэр, Мууруйатыгар, Батамайыгар, Нерюнгри Иенгратыгар, Алдан Лебединайыгар уонна Ленинскэйигэр түмүктүүр былааннаахпыт. Ситим уопсайа 117,6 км уһуннаах», – диэтэ Александр Гоголев.
«Газпром газификация» бэрэстэбиитэллэрэ Саха сиригэр социальнай гаастааһын былаан быһыытынан баран иһэрин кэпсээтилэр.
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…