Бу туһунан өрөспүүбүлүкэ муниципальнай тэриллиилэрин уонна куораттааҕы уокуруктарын баһылыктарын кытары сүөһү аһылыгын бэлэмниир хампаанньатын мунньаҕын кэмигэр СӨ Бырабыыталыстыбатын бэрэссэдээтэлин солбуйааччы Сергей Местниковка иһитиннэрдилэр.
Саха сиригэр билигин 298 414 туонна от бэлэмнэммит, ол эбэтэр былаан 68 %- на туолбут. Саха сирин үрдүнэн оттооһуҥҥа барыллаан былаанынан 389 тыһ. туонна от бэлэмнэниэхтээх, ол иһигэр мобильнай биригээдэлэринэн 32 тыһ. туонна от. Маны таһынан мунньах кыттыылаахтара былырыыҥҥыттан от тобоҕо хаалбытын бэлиэтээтилэр.
Өрөспүүбүлүкэ 28 муниципальнай тэриллиитигэр уонна 2 куораттааҕы тэриллиилэргэ от бэлэмнээһин үлэтэ барар. Күн бүгүн 281 774 гектар ходуһа охсуллубут, онно 298 414 туонна от, ону таһынан хаһаайыстыбаларынан 0,88 тыһ. туонна сенаж уонна 2,9 тыһ. туонна сиилэс бэлэмнэммит.
Тыа хаһаайыстыбатын миниистирэ Артем Александров этэринэн, сүөһү аһылыгын, сенаһы уонна сиилэһи бэлэмнээһиҥҥэ муниципальнай бырагыраамалары эбии үбүлээһиҥҥэ судаарыстыбаннай бүддьүөттэн субсидия көрүллүбүт.
Мунньах түмүгүнэн Сергей Местников Тыа хаһаайыстыбатын министиэристибэтигэр уонна муниципальнай оройуоннарынан мобильнай биригээдэлэри тэрийиигэ эбии үлэлэри ыытарга сорудахтаата.
Саха сиригэр от бэлэмнээһиҥҥэ барыта 21 079 киһи үлэлиир уонна 9 тыһ. тахса тыраахтыр туһаныллар. Былаантан 80%-тан ордук оту Нам, Ньурба, Хаҥалас уонна Орто Халыма улуустара бэлэмнээбиттэр.
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)
Бу күннэргэ Дьокуускай куоракка Таатта улууһун баһылыга Айаал Бурцев уонна СӨ Гуманитарнай наука уонна Хотугу…