2025 сыл саҕаланыаҕыттан “Предупреди пожар — установи АДПИ” социальнай аахсыйанан Саха сиригэр буруоттан сэрэтэр 3333 автономнай тэрил (АДПИ) туруорулунна. Бу туһунан СӨ Гражданскай оборуонаҕа уонна олоххо-дьаһахха куттал суох буолуутун хааччыйыыга министиэристибэтэ иһитиннэрбитин sakha.gov.ru суруйар.
Быйыл аахсыйанан 2774 дьиэ кэргэн хабыллыбыт. Итинтэн Баһаары утары судаарыстыбаннай сулууспа – 1879 ыалга 2321 баһаартан иһитиннэрээччини, атын тэрилтэлэринэн 895 ыалга 1012 маннык тэрили туруорбуттар.
Аахсыйа олунньу 5 күнүттэн ахсынньы 31 күнүгэр диэри ыытыллар. Арассыыйаҕа Аҕа дойдуну көмүскээччи уонна Саха сиригэр Ийэ дойдуну көмүскээччи сылларынан ыытыллар. Бу сыала – дьон автономнай баһаартан сэрэтэр тэрили дьиэлэригэр туруоралларыгар уонна көмүскэлгэ наадыйар аймахтарыгар көмөлөһөллөрүгэр ананна.
Аахсыйаҕа хас биирдии баҕалаах киһи кыттар – өрөспүүбүлүкэ олохтоохторо, былаас уорганнарын бэрэстэбиитэллэрэ, муниципалитеттар, атын тэрилтэлэр. Манна кыттааччылар “извещатели” бэйэлэрэ атыылаһан дьиэлэригэр эбэтэр наадыйааччыларга туруоруохтаахтар.
Санаттахха, 2021 сылтан 2025 сылга диэри “Предупреди пожар – установи АДПИ” аахсыйа 17482 дьиэ кэргэни хапта уонна уопсайа 21763 тэрил туруорулунна.
Сиһилии: https://www.sakha.gov.ru/news/15117
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…