Саха сиригэр +30°С кыраадыска диэри итийиэ

Саха сиригэр соҕуруулуу-илин, хотугулуу-илин, сорох сиринэн быстах ардах, ардыгар этиҥнээх ардах, түүн соҕуруулуу-арҕаа, хотугулуу-арҕаа, Өлүөнэ алын тардыытынан быстах ардах түһүөҕэ.

Кыра тыаллаах, Арктика кытылынан уонна арҕаа ардах түстэҕинэ сөкүүндэҕэ 15-18 м/с күүстээх тыаллаах.

Салгын температурата түүн +10+15°С, арҕаа +5+10°С, хотугулуу-арҕаа сорох сиринэн +2+7°С, күнүс +27+32°С, арҕаа, хотугулуу-арҕаа уонна илин ардах түстэҕинэ +18+23°С кыраадыс сылаас.

Дьокуускайга сөҥүүтэ суох, соҕуруулуу-илинтэн сөкүүндэҕэ 3/8 м/с түргэннээх тыаллаах. Салгын температурата түүн +12+14°С, күнүс +30+32°С кыраадыс итии.