Саха сиригэр хотугу таһаҕаһы тиэйиигэ уонна ыраах сытар сирдэри хааччыйыыга наадалаах 4 нефтебазаны толору саҥардыы үлэтэ саҕаланыаҕа. Бу туһунан РФ бырабыыталыстыбатын бэрэссэдээтэлин солбуйааччы, бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев иһитиннэрдэ.
Бу «Саханефтегазсбыт» хампаанньа Белогорскайга, Эдьигээҥҥэ, Уус-Куйгаҕа уонна Хаандыгаҕа баар нефтебазаларын туһунан этиллэр. Бу бырайыак ньиэп-гаас хаһаайыстыбатыгар судаарыстыба-чааһынай партнерство быһыытынан дойдуга бастакы холобур буолар. Манна Уһук Илин концессиятын мэхэньиисимэ туһаныллыаҕа.
— 2022-2023 сылларга Уһук Илин концессиятын чэрчитинэн, 9 эрэгийиэҥҥэ эбийиэктэри тутууга 96 миллиард солкуобай көрүллүбүтэ. Чугастааҕы үс сылга бу сыалга өссө 165 миллиард солкуобай көрүллэрин бырабыыталыстыба былаанныыр, — диэн кини эттэ.
Бу концессия мэхэньиисимин быһыытынан, судаарыстыба 10 сыл устата инфраструктура эбийиэгин сууматын 100% толуйар.
«Саханефтегазсбыт» хампаанньаҕа иһитиннэрбиттэринэн, инженернэй, чинчийэр үлэлэр түмүктэнэн, симиэтэ-бырайыак докумуона оҥоһуллан, судаарыстыбаннай эспэртиисэ ыытылларын кэтэһэ сылдьаллар. 4 нефтебазаны толору саҥардыы үлэтин 2026 сыл бүтүөр диэри түмүктүүр былааннаахтар.
«Саханефтегазсбыт» АУо устаабыгар өрөспүүбүлүкэ 100% өлүүлээх, эрэгийиэн стратегическай суолталаах тэрилтэлэриттэн биирдэстэрэ. Хампаанньа Саха сирин хоту-соҕуруу өттүгэр тарҕаммыт 19 филиаллаах (нефтебазалаах). Уматыгы Хотугу муора суолунан, уунан, сиринэн, тимир суолунан тиэйэн аҕалаллар.
Ил Дархан, бырабыыталыстыба дьаһалтатын пресс-сулууспата.
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…