Саха сиригэр 4000 ахсааннаах оҕо төрөөтө
Ньукуолун саҕана самаан сайын салаллар, айылҕа уһуктан, туох барыта тыллар, көҕөрөр, чэлгийэр, ууһуур-төрүүр. Бу кэмҥэ саха култууратыгар суолталаах Сайылык күнүн, Ырыа күнүн, Оһуохай күнүн утуу-субуу бэлиэтиибит. Оттон Саха сиригэр бу кэмҥэ 4000 ахсааннаах оҕо төрөөтө диэн ЗАГС управлениета иһитиннэрэр.
Ыам ыйын 21 күнүгэр быйылгы Оҕо саас сылыгар 4000 ахсаанынан Үөһээ Бүлүү улууһун Нам сэлиэнньэтигэр уол оҕо төрөөн бэбээрдэ. Оҕону Саят диэн сэдэх аатынан ааттаатылар. Уол оҕо одьунааһа окко оройунан түспүтүгэр төрөппүттэрэ, аймахтара эрэ буолбакка, ойуурга хара суор эмиэ үөрбүт буолуохтаах.
Оҕо диэн дьол, оҕо диэн удьуору ууһатааччы, урууну тэнитээччи!
Санатар буоллахха, 2023 сыллаахха өрөспүүбүлүкэҕэ 11 087 оҕо төрөөбүтэ: 5 627 уол уонна 5 460 кыыс.
Сообщить об опечатке
Текст, который будет отправлен нашим редакторам: