Хаартыска: ЯСИА
Саха сиригэр 43 тирэх нэһилиэнньэлээх пуун инфраструктуратын сайыннарыы бырагыраамата оҥоһуллар. Үлэ тулалыыр эйгэни систиэмэлээхтик тупсарыыга туһуламмыт «Олоххо инфраструктура» саҥа национальнай бырайыак чэрчитинэн ыытыллар. Бу туһунан өрөспүүбүлүкэ экэниэмикэтин министиэристибэтэ иһитиннэрэр.
РФ Бэрэсидьиэнин национальнай сайдыы сыалларын туһунан уурааҕынан, 2030 сылга диэри тирэх нэһилиэнньэлээх пууннарга олоруу хаачыстыбата 30% үрдүөхтээх, оттон 2036 сылга диэри 60% үрдүөхтээх.
Тирэх нэһилиэнньэлээх пууннар биир кэлим федеральнай испииһэктэригэр эрэгийиэннэр агломерациялара уонна административнай кииннэрэ, улахан инвестиционнай бырайыактары олоххо киллэриигэ кыттыгастаах нэһилиэнньэлээх пууннар, дойду куттала суох буолуутун хааччыйар стратегическай суолталаах сирдэр, онно ыкса сытар нэһилиэнньэлээх пууннар киирэллэр. Федеральнай испииһэккэ барыта 2160 нэһилиэнньэлээх пуун баарыттан, Саха сириттэн 43 тирэх пуун киирбит.
«Бырагыраама өрөспүүбүлүкэ сир-уот өттүнэн сайдыытыгар сүрүн оруолу ылар сирдэр кэлим сайдыыларын хааччыйар сыаллаах оҥоһуллар. Бу административнай уонна экэнэмиичэскэй кииннэр эрэ буолбакка, олохтоох таһымҥа нэһилиэнньэ куттала суох буолуутун, тырааныспар сибээһин уонна дьарыктаах буолуутун хааччыйар нэһилиэнньэлээх пууннар буолаллар», — диэн экэниэмикэ министиэристибэтэ бэлиэтээтэ.
2024 сыл ахсынньы 16 күнүгэр СӨ бырабыыталыстыбата РФ Тутууга уонна ОДьКХ министиэристибэтин кытта сүрүн нэһилиэнньэлээх пууннарга олорор эйгэ хаачыстыбатын тупсарыы көрдөрүүтүн ситиһэр туһунан сөбүлэҥ түһэрсибиттэрэ.
«Бырагыраама бырайыага өрөспүүбүлүкэ муниципальнай тэриллиилэрин уонна анал министиэристибэлэрин кытта ыкса үлэлэһэн оҥоһулунна. Билигин федеральнай бигэргэтии түһүмэҕэр сылдьар, ол кэнниттэн РФ бырабыыталыстыбатын иһинэн Эрэгийиэннэри сайыннарыы ыстаабыгар көрүүгэ ыытыллыаҕа», — диэн экэниэмикэ министиэристибэтэ иһитиннэрдэ.
Докумуон үлэтэ түмүктэммитин кэннэ, бырагыраама Ил Дархан дьаһалынан бигэргэтиллэн, 43 тирэх нэһилиэнньэлээх пууннарга инфраструктураны түһүмэхтээхтик саҥардыыга төрүөт буолуоҕа.
Сиһилии: https://www.sakha.gov.ru/news/9239
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…