Хаартыска: SakhaGov
Ил Дархан Айсен Николаев бигэргэппит “Үйэ оҕолоро” тус сыаллаах хапытаалы 2022 сылтан 44 744 дьиэ кэргэн ылла.
2025 сыл саҕаланыаҕыттан 6920 ыал “Үйэ оҕолоро” тус сыаллаах хапытаалынан туһанар быраабы ылбыта. 868 ыал тус сыаллаах хапытаалы бу сыл бэс ыйыгар ылла. Хапытаал суумата индексацияланан, 116 тыһыынча 756 солкуобай буолла.
2025 сыл от ыйын 1 күнүнээҕи туругунан, сыл саҕаланыаҕыттан хапытаалы ордук олорор дьиэни тупсарарга (2 254 сайабылыаньа) уонна тырааныспар атыылаһарга (644 сайабылыанньа), 106 ыал – оҕо үөрэҕи ыларыгар, 22 ыал – оҕо аатыгар бааҥҥа уурунуу арыйарга, 17 ыал – тус хаһаайыстыбаны сайыннарарга, 9 ыал – оҕо мэдиссиинэ үрдүк технологиялаах көмөтүнэн туһанарыгар уонна оҕо санаторийга-курортка эмтэнэригэр, 8 ыал – дойду иһигэр дьиэ кэргэнинэн сынньанарга, 5 ыал – олорор дьиэҕэ гаас киллэрэргэ, 1 ыал – оҕо олоҕун уонна доруобуйатын страховкалыырга туһаннылар.
Үбү ылыы мэхэньииһимэ судургутутулунна, онтон үбү туһаныы арааһа кэҥээтэ. Тус хапытаалы ыларга сайабылыанньа суруйар уонна социальнай көмүскэл уорганнарыгар кэлэр ирдэниллибэт. Төрөппүттэр Арассыыйа гражданиннарынан буолуохтаахтар уонна Саха сиригэр олороллорунан регистрациялаах буолуохтаахтар. Ону таһынан ЗАГС уорганнарыттан оҕо төрөөбүтүн туһунан сибидиэтэлистибэни ылыахтаахтар.
Санатан эттэххэ, билигин Саха сиригэр “Дьиэ кэргэн” өрөспүүбүлүкэтээҕи ийэ хапытаала 2025 сыл тохсунньу 1 күнүттэн төрдүс уонна онтон кэлэр оҕолору төрөппүт уонна ииппит төрөппүттэргэ бэриллэр.
СӨ Ил Дарханын уонна бырабыыталыстыбатын пресс-сулууспата
Бу нэдиэлэҕэ Саха сириттэн байыаннай дьайыы буола турар сиригэр 20 туонна таһаҕаһы тиэммит массыыналар айаннаатылар.…
Бүгүн, ахсынньы 10 күнүгэр, Ил Дархан Айсен Николаев "ОКТО" хампаанньа дириэктэрдэрин сэбиэтин бэрэссэдээтэлигэр Алексей Толоконниковка…
«Сахаада-спорт» СӨ норуоттарын успуорт төрүт көрүҥнэригэр уонна оонньууларыгар ассоциацията быйылгы лауреаттары ааттаата. Лауреаттары успуорт көрүҥнэринэн…
Байыаннай дьайыы кыттыылааҕа Петр Парников Мэҥэ Хаҥалас улууһун Хара нэһилиэгин успуорт оскуолатыгар тириэньэринэн үлэҕэ киирдэ.…
Саха Өрөспүүбүлүкэтин Бырабыыталыстыбатын 2025 сыл ахсынньы 8 күнүнээҕи 501 №-дээх уурааҕынан, Өлүөхүмэ куоратыгар «Дьиэ (мас),…
Хаҥалас улууһун Кытыл Дьураа сэлиэнньэтигэр "СӨ ОДьКХ" ГУП тэрилтэ 3,48 МВт кыамталаах хочуолунайа үлэҕэ киирдэ. Бу…