Саха сиригэр 5-6 бааллаах сир хамсааһына буолла

Сир хамсааһына муус устар 14 күнүгэр Саха сирин бириэмэтинэн 23:40 бэлиэтэннэ.

Саха сирин сиригэр-уотугар 5-6 бааллаах сир хамсааһына буолла. Бу туһунан СИА-ҕа РНА Геофизическэй сулууспатын Саха сиринээҕи филиалын дириэктэрэ Сергей Шибаев иһитиннэрдэ.

Сир хамсааһына муус устар 14 күнүгэр Саха сирин бириэмэтинэн 23:40 Өлүөхүмэ өрүскэ (Тарым салаата) буолла. Магнитудата 4,0 тэҥнэстэ. 10 км дириҥҥэ хамсаабыт.

Санаттахха, муус устар 7 күнүгэр сир хамсааһына Саха сирин соҕуруу өттүгэр – Нерюнгриттэн 115 км арҕаа бэлиэтэммитэ. Оттон кулун тутарга өрөспүүбүлүкэҕэ түөрт сир хамсааһына тахсыбыта – Өлүөхүмэ заповеднигар, эрэгийиэн соҕуруулуу-илин өттүгэр, Өлүөнэ очуостарын оройуонугар, ону тэҥэ Дьааҥыттан 62 км сиргэ.