Саха сиригэр 6 ойуур баһаарын умуруордулар

Саха сиригэр бүтэһик сууккаҕа 6 ойуур баһаара умуруорулунна. Уот хаппыт уопсай иэнэ 7 486 га. Итиэннэ 8 саҥа ойуур баһаара (253 га) булулунна.

Сарсыардаттан 100 ойуур баһаара баара бэлиэтэммит. Уот хаппыт уопсай иэнэ 145 408,2 га. Онтон 1599 га иэннээх 3 баһаар бохсуллубут.

Билиҥҥи туругунан уопсайа 118 758,2  га иэннээх сиринэн 52 баһаары умуруорууга үлэ ыытыллар.

Уоту утары үлэҕэ 1 383 киһи, 28 тиэхиньикэ үлэлииллэр.