Хаартыска: ЯСИА
2024 сылга Саха сиригэр олохтоммут кубуотанан 629 анал байыаннай дьайыы кыттыылааҕа уонна кинилэр дьиэ кэргэттэрин чилиэттэрэ 349 тэрилтэҕэ үлэнэн хааччылыннылар. Бу туһунан тохсунньу 14 күнүгэр брифинг кэмигэр Нэһилиэнньэ дьарыктаах буолуутун киинин дириэктэрэ Николай Иванов иһитиннэрдэ.
«Дьарыктаах буолуу судаарыстыбаннай кэмититэтин бирикээһинэн анал байыаннай дьайыы кыттыылаахтарын уонна кинилэр дьиэ кэргэттэрин чилиэттэрин үлэҕэ киллэриигэ кубуота 446 тэрилтэҕэ олохтонно», – диэн бэлиэтээтэ Николай Иванов. Кини иһитиннэриитинэн, кэнники 2 сылга Нэһилиэнньэ дьарыктаах буолуутун судаарыстыбаннай кэмитиэтин лииньийэтинэн 397 байыаннай дьайыы кыттыылааҕа уонна дьиэ кэргэттэрин чилиэттэрэ үлэнэн хааччылыннылар, үөрэхтээһининэн 154 бойобуой дьайыы бэтэрээнэ уонна кинилэр дьиэ кэргэттэрин чилиэттэрэ хабылыннылар. 2025 сыл саҕаланыытыгар Дьарыктаах буолуу киинигэр 39 байыаннай дьайыы кыттыылааҕа уонна 36 дьиэ кэргэттэрин чилиэттэрэ учуокка тураллар. Нэһилиэнньэ дьарыктаах буолуутун кииннэрэ үлэ дьаарбаҥкатын тэрийэн ыытыллар, консультациялааһыннары, психологическай өйөбүллэри оҥороллор. Барыта 5 үлэ дьаарбаҥката уонна 16 мини-дьаарбаҥка ыытыллыбыт. Бүгүн Нэһилиэнньэ дьарыктаах буолуутун судаарыстыбаннай кэмитиэтэ, Доруобуйа харыстабылын министиэристибэтэ, Үлэҕэ уонна социальнай сайдыыга министиэристибэтэ гражданнар уонна байыаннай дьайыы кыттыылаахтарын дьиэ кэргэттэрин чилиэннэрин тус дааннайдарын кытта үллэстиигэ хардарыта бииргэ үлэлээһин туһунан сөбүлэһиигэ илии баттастылар.
Санатан эттэххэ, Айсен Николаев Ил Түмэҥҥэ туһаайан этиитигэр эйэлээх олоххо төннөн кэлбит байыаннай дьайыы кыттыылаахтарыгар социальнай адаптациялааһын боппуруоһа биир сүрүн соругунан ааттаабыта. Байыаннай дьайыы кыттыылаахтарын уонна кинилэр дьиэ кэргэттэрин чилиэттэрин дьарыктаах буолуу боппуруостарыгар биир кэлим нүөмэринэн консультациялыыллар: 122 ( 7).
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…