Саха сиригэр 6,5 тыһыынча гектарга ойуур уотун умуруораллар

Дьааҥы оройуонугар ойуурга 6502 гектардаах сиргэ алта баһаары бохсоллор. Бу туһунан Саха сирин Экологияҕа министиэристибэтэ иһитиннэрэр.

Дьааҥы оройуонугар сэтиэнэх оту уматыыттан  сылтаан маннык балаһыанньа үөскээтэ. Уот тыа хаһаайыстыбатын сириттэн ойуурдаах сиргэ куотта. Улууска баһаары утары ураты эрэсиими олохтоотулар. Баһаары умулларыыга 70 киһи үлэлиир үлэлиир.

Ойуурга уот турар кутталлаах сезона саҕаланыаҕыттан 28 баһаар таҕыста, итинтэн 18 умуллардылар. Бары умайыылар биричиинэлэрэ – өртөөһүн.