Хаартыска: www.sakha.gov.ru
Саха сиригэр 69 учуутал ыраах улуус үөрэнээччилэрэ биир кэлим эксээмэҥҥэ көрдөрүүлэрин үрдэтэллэригэр уонна үрдүк баалы ылалларыгар көмөлөһөр.
Номнуо иккис сылын Ил Дархан Айсен Николаев сорудаҕынан тэйиччиттэн технологияны туһанан “Продвижение+” үөрэх киинэ бырайыак үлэлиир диэн Үөрэх уонна билим министиэристибэтигэр иһитиннэрэллэр.
С.Н.Донской-II аатынан Үөрэҕи сайыннарар уонна идэ таһымын үрдэтэр институт баазатыгар тэриллибит кииҥҥэ өрөспүүбүлүкэ араас оскуолаларыттан үрдүкү кылаас үөрэнээччилэрэ үөрэнэн билиилэрин хаҥаталлар. Дьарыктар олоҕурбут көрүҥүнэн эбэтэр тэйиччиттэн технологиялары туһанан нуучча тылыгар, математикаҕа, физикаҕа, биологияҕа уонна химияҕа үөрэх түмүгүн тупсарар соруктаах ыытыллаллар.
Министиэристибэҕэ иһитиннэрбиттэринэн, кэлиҥҥи икки сылга “Продвижение+” кииҥҥэ 4,2 тыһ. тахса оҕо үөрэммит.
Киин ыытар дьарыктарыгар хас биирдии оҕоҕо биирдиилээн сыһыаны хааччыйаллар, үөрэх маршрута оҥоһуллар итиэннэ педагогтар өйөбүллэрэ хааччыллар. Бу үөрэнээччилэр матырыйаалы ордук өйдүүллэригэр, ылыналларыгар көмөлөһөр.
Манна интерактивнай сорудахтар, видеонан уруоктар уонна үөрэтии саҥа ньымалара туһаныллаллар, биридимиэттэринэн сыыппара контеннара тэриллэллэр. Хонтуруолунай үлэ түмүгүнэн үөрэнээччилэр үөрэҕи төһө иҥэриммиттэрин хонтуруоллууллар. Бу барыта хас биирдии оҕо ханна олороруттан тутулуга суох хаачыстыбалаах үөрэҕи ыларын хааччыйар диэн министиэристибэҕэ бэлиэтииллэр.
Бу туһунан Ил Дархан уонна Бырабыыталыстыба пресс-сулууспата суруйар.
Киокусинкай каратеҕа аан дойду үс төгүллээх чөмпүйүөнэ Хаид Мантаев көҕүлээһининэн уонна РФ Бэрэсидьиэнин Уһук Илиҥҥи…
СӨ борокуратуурата Дьокуускай куоракка наркотигы тарҕатыынан дьарыктаммыт бөлөх икки кыттааччытыгар буруйдуур түмүгү бигэргэттэ. Кинилэр Холуобунай…
Ааспыт сууккаҕа Дьокуускай полициятын отделларыгар ыраахтан олорон албынныыр түөкүттэр сиэртибэлэрэ буолбут түөрт киһи сайабылыанньа киллэрдэ…
Атырдьах ыйын 22 күнүгэр үөрэх үлэһиттэрин атырдьах ыйынааҕы мунньаҕын иитинэн “Ситиһиигэ бииргэ!” өрөспүүбүлүкэтээҕи ыччат пуорума…
Тамалакаан нэһилиэгэр Көтөр Оҕо диэн ааттанан Куһаҕандыыкап диэн араспаанньалаах 1778-1843 сылларга олорон ааспыт…
Саха сирэ Бүтүн Арассыыйатааҕы үөрэнээччилэр олимпиадаларын түмүгүнэн үөрэххэ ситиһиигэ дойду эриэйтинигэр 72-с миэстэттэн 24-кэ тахсан,…