Саха сиригэр 8 760 дьиэ кэргэн «Сүүс сыл оҕолоро» хапытаалы туһанна
![](https://sakha-sire.ru/wp-content/uploads/2024/02/sajt-1-912x596.jpg)
2024 сыл тохсунньутугар Саха сиригэр 444 кыыс, 422 уол, барыта 866 кырачаан күн сирин көрдө. Кинилэр бары Ил Дархан Айсен Николаев бигэргэппит «Сүүс сыл оҕолоро» тус сыаллаах хапытаалын үбүнэн туһаннылар.
Ил Дархан өрөспүүбүлүкэ 100 сылын бэлиэтиир сылга төрөөбүт оҕолорго бэриллибит «Сүүс сыл оҕолоро» тус сыаллаах хапытаалы өссө 5 сылга уһатарга быһаарбыта. Онон, хапытаал 2022 сыл тохсунньу 1 күнүттэн 2027 сыл ахсынньы 31 күнүгэр диэри төрөөбүт уонна иитэ ылыллыбыт оҕолорго барыларыгар бэриллэр.
2024 сылга тус сыалаах хапытаал суумата, индексация учуоттанан, 110 тыһыынчаттан таҕыста. 2024 сыл олунньу 1 күнүгэр тус сыаллаах хапытаалга быраабы биэрэр туһунан 20 659 быһаарыы ылылынна. Кинилэртэр 8 760 сайаапкалаһааччы уопсайа 701 мөлүйүөн солкуобай суумалаах үбү тутунна.
Хапытаалы ордук, урукку курдук, олорор дьиэ усулуобуйатын тупсарарга (521 мөлүйүөн суумаҕа 6 703 сайабылыанньа) уонна тырааныспар атыылаһарга (166 мөлүйүөн солкуобайга 1 871 сайабылыанньа) туһаналлар. Ону таһынан 48 ыал -– оҕо аатыгар бааҥҥа уурунуу арыйарга, 47 – тус кэтэх хаһаайыстыбаны сайыннарарга, 44 -– оҕо үөрэх ыларыгар, 30 – оҕоҕо үрдүк технологиялаах көмөнү оҥорорго, 17 – дойду иһигэр дьиэ кэргэнинэн сынньанарга тутунна.
2023 сылтан хапытаалы туһаныы испииһэгэр «бэйэ олорор дьиэтигэр гаас киллэрии» хайысха эбиллэн биэрдэ. Онон, билигин «Сүүс сыл оҕолоро» тус сыаллаах хапытаал суотугар гаас тэрилин атыылаһыы уонна гаас киллэрэргэ тутуу үлэлэрин ороскуотун сабыахха сөп.
Тус сыаллаах хапытаал оҕо төрөөбүтүн туһунан сибидиэнньэҕэ олоҕуран, сайабылыанньата суох ананар. Төрөппүттэр РФ гражданнара буолуохтаахтар, Саха сиригэр олорор сирдэринэн регистрациялаах буолуохтаахтар, ону таһынан ЗАГС уорганнарыгар оҕо төрөөбүтүн туһунан сибидиэтэлэстибэни ылыахтаахтар.
Сообщить об опечатке
Текст, который будет отправлен нашим редакторам: