Саха сиригэр 8,6 тыһыынчаттан тахса киһи эрдэ куоластаата

Саха сиригэр киин сиртэн ыраах, суола-ииһэ суох сирдэргэ Арассыыйа бэрэсидьиэнин быыбарыгар эрдэ куоластааһын олунньу 25 күнүттэн кулун тутар 14 күнүгэр диэри салҕанан барар. Билиҥҥи туругунан, аҕыс тыһыынчаттан тахса киһи быыбарга кыттыбыт.

Быыбар киин хамыыһыйата иһитиннэрэринэн, кулун тутар 12 күнүгэр диэри Саха сиригэр барыта 8664 киһи куоластааһыҥҥа кыттыбыт. Санатан эттэххэ, эрдэ куоластааһын өрөспүүбүлүкэ 26 улууһугар ыытылла турар, барыта 13 тыһыынчаттан тахса киһи хабыллыахтаах. Манна сүрүннээн ваахта ньыматынан үлэлии сылдьар дьон, сылгыһыттар, табаһыттар, күнү-дьылы кэтээн көрөөччүлэр кытталлар.