Саха сиригэр 87 тыһыынча кэриҥэ оҕоҕо биир кэлим босуобуйа ананна

Биир кэлим босуобуйа сокуона күүһүгэр киириэҕиттэн, от ыйын 18 күнүнээҕи дааннайынан, Саха сиригэр судаарыстыбаннай өйөбүл саҥа дьаһалынан 87 051 оҕоҕо, 3 118  хат дьахтарга босуобуйа ананна. РФ Социальнай пуондатын салаатынан 6 млрд 461 мөл. солкуобай биир кэлим босуобуйаны ылааччы дьиэ кэргэҥҥэ ыытылынна.

Ол туһунан бүгүн брифиҥҥэ РФ Социальнай пуондатын Саха сиринээҕи салаатын салайааччыта Марина Герман иһитиннэрдэ.

Биир кэлим босуобуйа көмөҕө наадыйар дьиэ кэргэҥҥэ урут туһаныллыбыт миэрэлэри солбуйар. Үс саастарын туола илик бастакы уонна үһүс оҕоҕо төлөбүр, 3 саастарыттан 8 саастарыгар диэри ыйдааҕы төлөбүр, 8 саастарыттан 17 саастарыгар диэри ыйдааҕы төлөбүр, уонна хат дьахталларга.

Биир кэлим босуобуйаны ыларга сайабылыанньаны “Госуслуги” портал, Элбэх өҥөнү оҥорор киин нөҥүө, эбэтэр, Социальнай пуондаҕа тиийэн биэриэххэ сөп.