Саха сиригэр 920-ттэн тахса байыаннай дьайыы кыттыылааҕа уонна кинилэр дьиэ кэргэннэрэ доруобуйаларын чөлүгэр түһэрдилэр

Анал байыаннай дьайыы 474 кыттыылааҕа уонна кинилэр дьиэ кэргэннэрин 453 чилиэнэ Ю.П. Степанов аатынан инбэлииттэр өрөспүүбүлүкэтээҕи киинигэр доруобуйаларын чөлүгэр түһэрдилэр. Бу үлэ Саха сирин Ил Дархана Айсен Николаев сорудаҕынан ыытыллар.

«Биһиги кииммитигэр анал байыаннай дьайыы кыттыылаахтарын уонна кинилэр дьиэ кэргэннэрин доруобуйаларын чөлүгэр түһэрии салҕанан барар. Биһиги СӨ доруобуйа харыстабылын министиэристибэтин иһинэн баар тэрилтэлэри кытта ситимнээхтик үлэлиибит. Байыастар уонна кинилэр чугас дьонноро быраастар сүбэлэрин ылаллар, мэдиссиинэ көмөтүн ылаллар. Ону таһынан байыаннай сулууспалаахтарга уонна кинилэр чугас аймахтарыгар социальнай өйөбүл дьаһалларын туһунан иһитиннэрэбит уонна сүбэ-ама биэрэбит. Уопсайа биһиги 77 араас биэдэмэстибэҕэ  уонна тэрилтэҕэ көрсүһүү тэрийдибит», – диэн брифиҥҥэ киин дириэктэрэ Асида Алексеева эттэ.

Кииҥҥэ анал байыаннай дьайыы кыттыылаахтарыгар уонна кинилэр дьиэ кэргэннэригэр эт-хаан үлэтин туругун чөлүгэр түһэриигэ, уйулҕалара көнөрүгэр көмө оҥоһуллар. Социальнай-психологическай уонна мэдиссиинэ  боппуруостарыгар улахан болҕомто ууруллар.

Тэрилтэ «Самородок» бассейны кытта бииргэ үлэлээн, онно анал байыаннай дьайыы кыттыылаахтарыгар анаан гидрокинезотерапияҕа дьарыктар ыытыллаллар.

Сиһилии: https://www.sakha.gov.ru/news/9163