Саха сиригэр 95 тыһыынча кэриҥэ оҕоҕо биир кэлим босуобуйа ананна

Биир кэлим босуобуйа сокуона күүһүгэр киириэҕиттэн, атырдьах ыйын 24 күнүнээҕи дааннайынан, Саха сиригэр судаарыстыбаннай өйөбүл саҥа дьаһалынан 94 958 оҕоҕо, 3 497 хат дьахтарга босуобуйа ананна. РФ Социальнай пуондатын салаатынан 8 млрд 289 мөл. 459 тыһ. солкуобай биир кэлим босуобуйаны ылааччы дьиэ кэргэҥҥэ ыытылынна. 

Ол туһунан бүгүн брифиҥҥэ РФ Социальнай пуондатын Саха сиринээҕи салаатын салайааччыта Марина Герман иһитиннэрдэ.

Биир кэлим босуобуйаны ыларга сайабылыанньаны “Госуслуги” портал, Элбэх өҥөнү оҥорор киин нөҥүө, эбэтэр, Социальнай пуондаҕа тиийэн биэриэххэ сөп.

«Сайабылыанньаны 10 күн иһигэр көрөллөр. Сорох түгэннэргэ муҥутуур болдьоҕо 30 үлэ күнэ буолуон сөп. Босуобуйа анааһынын туһунан быһаары ылыллыбытын кэннэ, бастакы көрүллүбүт үп-харчы биэс үлэ күнүн устата ыытыллар. Онтон салҕыы ый саҕаланыыта биэриллэр буолар», — диэн Марина Герман бэлиэтээтэ.

Сиһилии сыылканан билсиҥ.