Саха сиригэр аан бастакытын Илиҥҥи байыаннай уокурук «Мы есть мы» ансаамбыла кэнсиэртиэ

Илиҥҥи байыаннай уокурук «Мы есть мы» вокальнай-инструментальнай ансаамбылын кэнсиэрэ өрөспүүбүлүкэтээҕи иккис Антифашистскай пуорум чэрчитинэн ыытыллар диэн СӨ Баһылыгын уонна Бырабыыталыстыбатын пресс-сулууспата иһитиннэрэр.

Ансаамбыл байыаннай дьайыы зонатыттан кэлиэҕэ. «Мы есть мы» ансаамбыл кэнсиэртэрин бүтүн аан дойду билэр. Бөлөх Хабаровскайга уонна Владивостокка буолбут бэстибээллэргэ элбэхтик кыттыбыта.

Байыаннай дьайыы саҕаланыаҕыттан «Мы есть мы» сайдыы саҥа кэрдииһигэр киирдэ. Бөлөх бойобуой сорудаҕы толоро да сылдьан, байыаннай дьайыы кыттыылаахтарыгар уонна босхоломмут сирдэр олохтоохторугар анаан кэнсиэртиир. 2022 сыл бэс ыйыгар ансаамбыл Белгород уобалаһыгар уонна босхоломмут Купянскайга байыаннайдары уонна олохтоох дьону өйөөн кэнсиэрдээбитэ.

Кэнсиэртэр Дьокуускйа куоракка сэтинньи 4 күнүгэр 16:00 ч. П.А.Ойуунускай аатынан Саха академическай  драматическай тыйаатырыгар (Орджоникидзе уул., 1), сэтинньи 6 күнүгэр киэһэ 16:00 ч. – А.Е. Кулаковскай норуоттар доҕордоһууларын дьиэтигэр (Поярков уул., 4) буолуохтара. Ону тэҥэ сэтинньи 5 күнүгэр 16:00 чаастан Нам сэлиэнньэтигэр М.К.Аммосов аатынан Култуура уонна духуобунай сайдыы дыбарыаһыгар кэнсиэр буолуо (Илья Винокуров уул. 19).

Өрөспүүбүлүкэ олохтоохторо эр санаалаах буолуу уонна сомоҕолоһуу тыына иҥмит патриотическай ырыалары истэн дуоһуйуохтара.