Хаартыска: оҥоһуу өй.
Үөрэх хаачыстыбатын сыаналааһын систиэмэтин сайыннарыы чэрчитинэн, Саха сиригэр аан маҥнайгытын төрөөбүт тылларга өрөспүүбүлүкэтээҕи бэрэбиэркэлиир үлэ ыытыллыаҕа. Эрэгийэҥҥэ олорор норуоттар тылларын чөл хаалларыыга, үөрэтиигэ, сайыннарыыга, ону тэҥэ, оскуолаларга төрөөбүт тылынан үөрэтии хаачыстыбатын үрдэтэргэ тустаах көҕүлээһин суолталаах түһүмэҕинэн буолар.
Төрөөбүт тылларга өрөспүүбүлүкэтээҕи бэрэбиэркэлиир үлэни ыытыы сүрүн соругунан, ФГОС ирдэбилигэр олоҕуран, үөрэнээччилэр төрөөбүт тылларын билэр таһымнарын сыаналааһын буолар. Бэрэбиэркэлиир үлэлэр төрөөбүт тыллар уратыларын учуоттаан уонна ФГОС ирдэбилигэр сөп түбэһэн оҥоһуллубуттар. Сорудахтарга норуот төрөөбүт тылын, литэрэтиирэтин көрдөрөр тиэкистэр туһаныллыахтара. Бэрэбиэркэлиир үлэ иитинэн оҕолор бу сорудахтары толоруохтара: морфологияҕа, лексикаҕа уонна синтаксиска билиилэрин бэрэбиэркэтэ.
“Төрөөбүт тылга өрөспүүбүлүкэтээҕи бэрэбиэркэлиир үлэни ыытыы, Саха Өрөспүүбүлүкэтигэр төрөөбүт тыллары чөл хаалларыыга, үөрэтиигэ, сайыннарыыга улахан суолталаах. Бу төрөөбүт тылынан үөрэтиигэ оҕоҕо тэҥ кыаҕы, ханна олороруттан уонна ханнык көрүҥнээх оскуолаҕа үөрэнэриттэн тутулуга суох төрөөбүт тылынан үөрэх хаачыстыбатын иҥэриини хааччыйыаҕа” – диэн М.К.Аммосов аатынан ХИФУ Хотугулуу-илиҥҥи норуоттарын тылларын, култуураларын институтун саха тылын хаапыдыратын сэбиэдиссэйэ, тыл билимин хандьыдаата, дассыан Д.И.Чиркоева бэлиэтиир.
Өрөспүүбүлүкэтээҕи бэрэбиэркэлиир үлэлэр 2026 сыл кулун тутарыгар 4, 5, 6, 7, 8, 10-с кылаас үөрэнээччилэригэр ыытыллыаҕа. Бу туһунан Үөрэх хаачыстыбатын кэтээн көрөр киин саайтыгар суруйаллар.
Ааспыт нэдиэлэ устата психологтар өрөспүүбүлүкэҕэ, ону тэҥэ Ростов-на-Дону куорат госпиталларыгар 260-тан тахса байыаннай дьайыы кыттыылаахтарыгар…
Сыл саҕаланыаҕыттан Оҕолор уонна эрдэҕэс оҕолор репродуктивнай доруобуйаларын харыстыыр киин 3000-тан тахса оҕону көрдө-иһиттэ диэн…
Өрөспүүбүлүкэ олохтоохторо байыаннай дьайыы кэмигэр РФ интэриэстэрин көмүскүүллэрин уонна РФ Сэбилэниилээх күүстэрин састаабыгар ситиһиилээхтик байыаннай…
Саха сирин мобильнай быраастара дьахтар куртаҕыттан булавканы буллулар. Дьахтар иһэ күүскэ ыалдьан, Муоматааҕы киин оройуон…
Полиция үлэһиттэрэ 19 саастаах устудьуоннары киилэ кэриҥэ гашиһы атыылыы сатаабыттарыгар туттулар. ИДьМ пресс-сулууспата иһитиннэрэринэн, Дьокуускай…
Сэтинньи 12 күнүгэр Экология, технологическай уонна ядернай хонтуруол федеральнай сулууспата ("Ростехнадзор") улуустар, куораттар 2025-2026 сс.…