Хаартыска: www.sakha.gov.ru
“Саха сиригэр аан дойду таһымнаах кампус билимҥэ-үөрэххэ кэнсиэпсийэтэ” стратегическай сиэссийэни өрөспүүбүлүкэ Экэниэмикэҕэ министиэристибэтэ Инновационнай менеджмен үрдүкү оскуолатын былаһааккатыгар ыытта.
“Бу киэҥ далааһыннаах инфраструктурнай бырайыак – М.К. Аммосов аатынан Хотугулуу-Илиҥҥи федеральнай университет көҕүлээһинэ. Кампус Уһук Илини уонна Хотугу Арассыыйаны инники күөҥҥэ турар хайысхаларынан сайыннарыыга идэлээх дьону хаачыстыбалаахтык бэлэмниир инниттэн, билим-үөрэх үрдүк технологиялаах эйгэтин тэрийиигэ өрөспүүбүлүкэ бары сүрүн үрдүк үөрэхтэрин түмүөҕэ”, — диэн эрдэ Ил Дархан Айсен Николаев бэлиэтээн турар.
Үрдүк үөрэхтэр икки ардыларынааҕы кампус кэнсиэпсийэтин ырытыһыыга үрдүк, орто, эбии үөрэх тэрилтэлэрэ, сайыннарар институттар, биисинэс уонна эрэгийиэн судаарыстыбаннай былааһын уорганын бэрэстэбиитэллэрэ кытыннылар.
“Сиэссийэ кыттыылаахтара бырайыакка инвестиционнай болҕомтону үрдэтиигэ комплекснай этиилэри түмтүлэр. Кампус кэнсиэпсийэтэ аныгы үрдүк технологиялаах билим-үөрэтэр эйгэтин тэрийиигэ үрдүк, орто, эбии үөрэх тэрилтэлэрин уонна биисинэһи түмүүгэ туһаайыллар. Бырайыак интэриэһинэй, киэҥ хабааннаах уонна Дьокуускай куорат маастар-былааныгар киирэ сылдьар”, — диэн Саха сирин экэниэмикэҕэ министиэристибэтин федеральнай бырагыраамалары кытта үлэҕэ уонна судаарыстыбаннай хапытаалынай үбү угууга департаменын салайааччыта Анна Кокорина бэлиэтиир.
Бырайыагы олоххо киллэрэргэ үбүлээһини көрдөттөрүүгэ сүүмэрдиир куонкуруска кытта туһугар, Дьокуускайдааҕы кампус кэнсиэпийэтин РФ Билимҥэ уонна үрдүк үөрэххэ министиэристибэтигэр билиһиннэриэхтэрэ.
Санатан эттэххэ, дойду бэрэсидьиэнэ 2030 сылга аан дойду таһымнаах 25 университетскай кампуһу тэрийии туһунан биэрбит сорудаҕын толорууга, өрөспүүбүлүкэҕэ Дьокуускай куорат 68-с түөлбэтигэр үрдүк үөрэхтэр икки ардыларынааҕы бырайыагы оҥороллор.
Ил Дархан уонна Бырабыыталыстыба пресс-сулууспата.
Дьокуускай куоракка анал дьупулуомнаах уонча остеопат-быраас баарыттан биирдэстэринэн травматолог-быраас, ортопед, остеопат уонна мануальнай терапевт Иван…
Бүгүн быыбардыыр учаастактарга элбэх ыччат кэлэн гражданскай иэстэрин толордулар. Бу хаартыскаларга өрөспүүбүлүкэбит араас улуустарыгар быыбардыыр…
Быыбар учаастактарыгар бэрээдэги араҥаччылыыр уорганнар үлэһиттэрэ бэрээдэги кэтииллэр. Ону таһынан уопсастыбаннай кэтээн көрөөччүлэр быыбар хаамыытын…
Бүгүн, балаҕан ыйын 14 күнүгэр, Дьокуускайга "Эргэ куорат" оройуонугар «Якутск – исторический!» бэстибээл буолла. Тэрээһиҥҥэ…
Бүгүн 15:00 ч. дааннайынан, 30,37 % киһи куоластаата диэн СӨ Киин быыбардыыр хамыыһыйата иһитиннэрэр. Улуус…
Аллараа Халыма улууһун Колымскай сэлиэнньэтин (Халарчы нэһилиэгэ) 394 №-дээх быыбардыыр учаастагар алта оҕолоох ийэ, 2025…