Саха сиригэр ааспыт өрөбүллэргэ суол саахалыгар икки киһи эмсэҕэлээбит

Дьокуускайга ааспыт өрөбүллэргэ 19 суол быһылаана тахсыбыта регистрацияламмыт, ол иһигэр икки киһи эмсэҕэлээбит. Бу туһунан киин куорат Госавтоинспекциятын пресс-сулууспата иһитиннэрэр.

Биир улахан суол быһылаана кулун тутар 16 күнүгэр түүн буолбут. Түүн 00:57 чаас саҕана Курнатовскай аатынан уулуссаҕа 21 саастаах суоппар суолтан туораан остуолбаҕа тиийэн кэтиллибит. Сааха миэстэтигэр тиийбит ГАИ үлэһиттэрэ суоппар итирик туруктаах сылдьарын бэлиэтээбиттэр. Саахал түмүгэр суоппар эчэйбит.

Ити күн сарсыарда Хатас сэлиэнньэтигэр Каландаришвили уонна Аржаков аатынан уулуссалар быһа охсуһуутугар «Isuzu Elf» таһаҕас тиэйэр массыына уонна «Toyota Probox» массыына харсыспыттар.

Барыллаан быһаарыынан, 34 саастаах таһаҕас тиэйэр массыына суоппара сүрүн суолунан айаннаан испит массыынаны аһардыбатах. Саахал түмүгэр «Toyota Probox» массыына суоппара балыыһаҕа төбөтүн эчэтэн киирбит.

Икки күн иһигэр ГАИ үлэһиттэрэ итирик туруктаах сылдьыбыт 9 суоппары туппуттар.