Саха сиригэр ааспыт сууккаҕа 5 ойуур баһаара умуруорулунна

Саха сиригэр билигин 61 ойуур баһаара баар, олортон 19 ойуур баһаара бохсулунна. Ааспыт сууккаҕа 5 ойуур баһаара умуруорулунна. Баһаары умуруорууга 1 731 киһи үлэлээтэ уонна 174 тиэхиньикэ кытынна.

Санатан эттэххэ, Саха сиригэр федеральнай уонна эрэгийиэннээҕи таһымнаах ыксаллаах быһыы-майгы эрэсиимэ  үлэлиир. Оттон муниципальнай таһымнаах ЫБМ эрэсиимэ  Бүлүү, Үөһээ Дьааҥы, Үөһээ Бүлүү, Горнай, Кэбээйи, Ленскэй, Сунтаар уонна Өлүөхүмэ оройуоннарыгар салгыы үлэлиир.

Ону кытта Ил Дархан Ыйааҕынан бэс ыйын 26 күнүннэр Саха сиригэр ураты баһаарынай эрэсиим олохтоммута. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.