Саха сиринээҕи ЫБММ сулууспата ааспыт сууккаҕа Саха сиригэр барыта 7 баһаары регистрациялаата. Уоту умуруорууга 115 баһаарынай уонна 25 тиэхиньикэ үлэлээтилэр. Бу туһунан ЫБММ пресс-сулууспата иһитиннэрэр.
Ол курдук, муус устар 15 күнүгэр түүн 02:32 ч. Мэҥэ Хаҥалас улууһун Балыктааҕар Депутатскай уулуссаҕа гараас умайда. Эмсэҕэлээбиттэр суохтар, гараас 9 кв.м иэнэ уокка былдьанна. Буруйдааҕы уонна хоромньу тахсыбыт сууматын быһаараллар.
Ити күн киэһэ 21:58 ч. баһаарынай-быыһыыр сулууспаҕа Мииринэй улууһун Айхал бөһүөлэгэр Таежная уулуссаҕа тэпилииссэ умайан эрэрин туһунан иһитиннэрии киирбит. Баһаар содулугар эмсэҕэлээбиттэр суохтар. Тэпилииссэ 15 кв. м. иэнэ уокка былдьанна. Буруйдааҕы уонна хоромньу тахсыбыт суумата быһаарыллар.
Эмиэ ити күн күнүс 12:09 ч. Мииринэй улууһун Мииринэй куоратын Солдатов аатынан уулуссаҕа 9 мэндиэмэннээх олорор дьиэҕэ уот турда. Баһаар түмүгэр 1 кв.м. иэннээх дьиэ үрдэ умайда. Буруйдаах уонна хоромньу быһаарыллар.
Муус устар 14 күнүгэр киэһэ 18:14 ч. Хаҥалас улууһун Ой нэһилиэгэр Үс Тиит улууссаҕа эбии тутуулаах гараас уонна массыына умайда. Баһаар түмүгэр гараас уопсайа 55 кв. м. иэнэ умайда, буруйдааҕы уонна хоромньу тахсыбыт сууматын быһаараллар.
Эмиэ бу күн киэһэ 16:55 ч. Дьааҥы улууһун Баатаҕай нэһилиэгэр «Авиапорт» түөлбэҕэ кэтэх маҕаһыын дьиэтэ умайда. Баһаар түмүгэр маҕаһыын 120 кв. м. иэнэ уокка былдьанна. Буруйдааҕы уонна хоромньу тахсыбыт сууматын быһаараллар.
Киин куоракка муус устар 14 күнүгэр Леваневскай аатынан уулуссаҕа миэбэл маҕаһыынын ыскылаата бүтүннүү уокка былдьанна. Баһаар иэнэ 500 кв. м., эмсэҕэлээбит киһи суох. Умуруорууга 42 киһи уонна 8 тиэхиньикэ үлэлээтэ. Баһаар электрическэй боруобаттан турбута быһаарылынна. Ону кытта туһааннаах сигнализация тэриллибэтэҕэ уонна үлэһиттэргэ сөптөөх иһитиннэрии оҥоһуллубатаҕа чуолкайданна.
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…