Саха сиригэр Аҕа дойду буойуннарын дьиэ кэргэттэрин кэмитиэтэ баар буолла

Көрсүһүү кэмигэр байыаннай дьайыы кыттыылаахтарын, бойобуой дьайыы бэтэрээннэрин дьиэ кэргэттэригэр көмө, өйөбүл миэрэлэрин  туһунан кэпсэтии таҕыста.  Маны таһынан байыаннайдар интэриэстэрин көмүскээһиҥҥэ үлэлии сылдьар  уопсастыбанньыктар үлэлэрин хайысхатын   кэпсэттилэр.

Светлана Диодорова-Лаврентьева  Подмосковьеҕа  Аҕа дойду буойуннарын дьиэ кэргэттэрин  кэмитиэтин бастакы сэминээрдэрин туһунан  иһитиннэрдэ. Бу кэмитиэт Арассыыйа 80 субъегын, ол иһигэр Саха сирин түмэр. Сэминээр кыттыылаахтара кэмитиэт структуратын бигэргэппиттэр итиэннэ эрэгийиэннээҕи кэмитиэттэри тэрийбиттэр.

Айсен Николаев эрэгийиэннээҕи кэмитиэккэ бары өттүнэн көмө оҥоһуллуоҕа диэн эттэ.

Санатан эттэххэ, Аҕа дойду буойуннарын дьиэ кэргэттэрин кэмитиэтэ былырыын сэтинньигэ тэриллибитэ.  Тэрийээччилэринэн  «Женщины России», «Союз семей военнослужащих», «Союз женщин России», «Матери России» түмсүүлэр  буолбуттара.