Саха сиригэр аҕыс ойуур баһаара умуруорулунна

Ааспыт сууккаҕа өрөспүүбүлүкэ сиригэр-уотугар 8 ойуур баһаара (уопсайа 7 343 га иэннээх сир) умуруорулунна. Бу туһунан СӨ Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.  

Атырдьах ыйын 18 күнүгэр сарсыарда уопсайа 208 974,5 га иэннээх 46 баһаар баара бэлиэтэнэр, ол иһигэр 368 га иэннээх биир ландшафтнай баһаар.

Билиҥҥитэ 193 тыһ. га иэннээх 28 баһаары умуруорууга үлэ ыытыллар, онтон 12 баһаар (101 га) бохсулунна.

Ойуур баһаардарын умуруорууга 1 200 киһи, 32 тиэхиньикэ үлэлиир.  7 бөртөлүөт уонна 9 көтөр аал туһаныллар.