Саха сиригэр аҕыс ойуур баһаарын умуруораллар

Саха сиригэр баһаартан сэрэхтээх буолуу сезона саҕаланыаҕыттан уопсайа 40 ойуур баһаара турбута регистрацияламмыт.

Ыам ыйын 7 күнүгэр Саха сиригэр Дьааҥы уонна Эбээн-Бытантай оройуоннарын территорияларыгар аҕыс ойуур баһаара баар. Уоту умуруорууга 99 киһи уонна 5 тиэхиньикэ хабылынна, диэн Экология министиэристибэтэ иһитиннэрдэ.

Баһаартан сэрэхтээх буолуу сезона саҕаланыаҕыттан Саха сиригэр уопсайа 40 ойуур баһаара тахсыбыта регистрацияламмыт. Ааспыт сууккаҕа 10 баһаар тахсыбыт, 9 ойуур баһаара умуруоруллубут.

Саха сиригэр баһаартан сэрэхтээх буолуу сезона ыам ыйын 1 күнүттэн аһыллыбыта. Ыам ыйын 5 күнүттэн Дьааҥы оройуонугар ыксаллаах быһыы-майгы эрэсиимэ биллэриллибитэ.