Саха сиригэр айан суолга түөрт киһи үлүйэ сыспыт

Ньурба оройуонун ДПС инспектордара кыһыҥҥы айан суолга суоппардарга көмөлөстүлэр.

Түүн оройуон исписэлиистэрэ «Бүлүү» трасса 818 километрыгар Күндээдэ сэлиэнньэтин таһыгар «Тойота Вокси» массыынаны бэлиэтии көрбүттэр. Массыына суол кытыытыгар турбут.

Полиция лейтенана Гай Пахомов уонна полиция младшай лейтенана Владимир Иванов аара суолга тохтоон, үс пассажирдаах суоппар Сунтаар оройуонуттан Дьокуускайга айаннаан иһэллэрин быһаабыттар. Трасса тыалтан хаарынан тибиллибит, ол иһин суоппар сатаан салайбакка суол кытыытыгар туораабыт уонна тоҥуу хаарга иҥнибит.

«Ол түмүгэр ким да эмсэҕэлээбэтэх. Массыыналарын бэйэлэрэ сатаан хостуур кыахтара суох буолан, көмө ыҥырбыттар»,-диэн СӨ ИДьМ пресс-сулууспатыгар иһитиннэрдилэр.