Арассыыйа Доруобуйа харыстабылыгар министиэристибэтин штаты таһынан кылаабынай трансплантолога, академик Сергей Готье Саха сиригэр атырдьах ыйын 7 күнүгэр кэлиэҕэ. Уруккуттан былааннаммыт сырыы кэмигэр Москва уонна Саха сирин исписэлиистэрэ эрэгийиэҥҥэ трансплантология сайдыытын дьүүллэһиэхтэрэ.
Санатан эттэххэ, Сергей Готье кэлэригэр Саха Өрөспүүбүлүкэтин Доруобуйаҕа харыстабылын министиэристибэтэ бэлэмнэммитэ быданнаата. Өссө 2023 сыл сэтинньитигэр Сергей Готье салайар В.И.Шумаков аатынан трансплантология уонна ускуустубаннай органнар Национальнай мэдиссиинискэй чинчийэр кииннэригэр министиэристибэ оробуочай бөлөҕө сылдьыбыта. Онтон 2024 сыл муус устарыгар ыытыллыбыт онлайн-мунньахха Саха сирин доруобуйатын харыстабылын миниистирэ Лена Афанасьева уонна Сергей Готье өрөспүүбүлүкэҕэ оҥоһуллар эпэрээссийэлэр ахсааннарын элбэтэргэ көмөлөһүөхтээх сүрүн дьаһаллары бэлиэтээбиттэрэ. Быйыл Өрөспүүбүлүкэтээҕи 1 №-дээх балыыһатыгар-М.Е.Николаев аатынан Мэдиссиинэ национальнай киинигэр үс ыарыһахха уорганы ситиһиилээхтик көһөрбүттэрэ. Саха сиригэр 2001 сылтан ыла барыта уорганы көһөрүү 140 эпэрээссийэтэ оҥоһулунна.
Эрэгийиэҥҥэ уорганы көһөрүү эпэрээссийэтигэр наадыйыы элбэх. Ол эрээри, аймах уонна донор уорганнара тиийбэттэринэн, кэккэ төрүөттэр үөскүүллэр. Ол иһин, уорганы көһөрүү үгүс өттө федеральнай килииникэлэргэ оҥоһуллар.
— Сергей Владимирович салайар исписэлиистэрин бөлөҕө биһиги баазабытын көрүөҕэ, кэнники сыллардааҕы үлэбитин билсиэҕэ. Ковид пандемиятыгар диэри Саха сиригэр сылга 18-ка тиийэ эпэрээссийэни оҥорор этибит. Ол гынан баран, пандемия саҕаланыаҕыттан тустаах биричиинэлэринэн, Арассыыйа атын эрэгийиэннэригэр курдук, бытаарыы тахсыбыта. Онон биһиэхэ В.Шумаков аатынан биир идэлээхтэрбит кэлэллэрэ улахан суолталаах. Кинилэр эрэгийиэннэри кытта сыаллаах-соруктаах үлэни ыыталлар, — диэтэ СӨ штаты таһынан кылаабынай трансплантолога Альберт Васильев.
Арассыыйа Доруобуйаҕа харыстабылын штаты таһынан кылаабынай трансплантолога Сергей Готьев Дьокуускайга атырдьах ыйын 7-9 күннэригэр үлэлиэҕэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…