Саха сиригэр, кулун тутар 27 күнүгэр, саха уус-уран литературатын төрүттээбит, сырдатааччы, уопсастыбаннай диэйэтэл, духуобунйа лиидэр А.Е. Кулаковскай-Өксөкүлээх Өлөксөй биэс сыллаах былаанын чэрчитинэн «Алҕаатаҕым буоллун саҥа ыччаппын» сыл аайы ыытыллар үөрэнээччилэр ортолоругар ааҕыы өрөспүүбүлүкэтээҕи куонкуруһа саҕаланна.
«Куонкурус онлайн көрүҥүнэн ыытыллар. Кулун тутар 28 күнүгэр биирдиилээн ааҕааччылар уонна кэлэктиибиинэн кыттааччылар ортолоругар бастыҥнары быһаарыахтара. Кыттааччылар икки бөлөҕүнэн арахсаллар: бастакы бөлөх – 1— 6-с кылааска диэри үөрэнэр, иккискэ – 7—11-с кылааска диэри үөрэнэр оҕолор», – диэн түмэл методиһа Мария Пестрякова кэпсиир.
Куонкурус кыттыылаахтара 5-7 мүнүүтэлээх сахалыы уонна нууччалыы айымньыны эбэтэр А.Е. Кулаковскай-Өксөкүлээх Өлөксөй үлэтиттэн быһа тардыыны ааҕар видео устууларын ыыппыттар.
«Куонкуруска барыта 70-н тахса видео устуу киирбит. Мииринэй, Ленскэй, Дьокуускай, ону таһынан Бүлүү, Мэҥэ Хаҥалас, Таатта, Өймөкөөн уонна Орто Халыма улуустарын үөрэнээччилэрэ көхтөөхтүк кытталлар», – диэтэ Мария Пестрякова.
Кини бэлиэтээбитинэн, сыаналыыр бөлөх састаабыгар быйыл биллэр-көстөр историктар, литератордар, артыыстар, ол иһигэр Саха тыйаатырын артыыһа Айталина Цыпандина, ХИФУ РФ Хотугулуу-илиҥҥи норуоттарын тылын уонна култууратын институтун Саха литературатын кафедратын доцена Саргылана Егорова уо.д.а. киирдилэр.
«Алҕаатаҕым буоллун саҥа ыччаппын» ааҕыы куонкуруһун кыайыылаахтара уонна дипломаннара сыаналаах бириистэринэн – кинигэнэн, киинэҕэ уонна тыйаатырга билиэтинэн, ювелирнай оҥоһуктарынан наҕараадаланыахтара.
Аҕыйах хонуктааҕыта Үҥкүр уонна Өлүөхүмэ куорат икки ардынан суол кытыытынан оҕолордоох эһэ сылдьар, сэрэхтээх буолуҥ…
Ыксаллаах быһыы-майгы министиэристибэтин дааннайынан, өрөспүүбүлүкэҕэ барыта 116 гектар иэннээх сэттэ ойуур баһаара баара бэлиэтэммит. Бу…
Бүгүн, ыам ыйын 13 күнүгэр, өрөспүүбүлүкэ хотугулуу-арҕаа улуустарыгар, Өлүөнэ аллараа тардыытынан уонна киин улуустарга сөҥүүтэ…
Сылын ахсын ыытыллар ыам ыйын 9 күнүгэр Аҕа дойду Улуу сэриитин Кыайыытын уһансыбыт буойуттар ааттарын…
– Хапытаалынай өрөмүөҥҥэ иэстээхтэри кытта хайдах үлэлэһэҕит? Суукка ыытаҕыт дуу? С.Алексеева. “СӨ Элбэх кыбартыыралаах дьиэлэри…
Саха сириттэн чэпчэки атлетикаҕа спортсменка Алена Татаринова Татарстааҥҥа ыытыллыбыт Арассыыйа чөмпүйэнээтигэр марафоҥҥа иккис миэстэни ылла.…