Саха сиригэр алмааска суруйааччы уонна геолог Василий Егоров — Тумарча аатын иҥэрдилэр

Ыам ыйын 27 күнүгэр Саха сирин Суруйааччыларын Сойууһун бырабылыанньатыгар саха норуодунай суруйааччыта Василий Егоров-Тумарча аатынан алмаас сэртипикээтин уонна куоппуйатын туттарыы тэрээһинэ буолан ааста.

60,63 карат ыйааһыннаах алмаас 2024 сыллаахха ахсынньы 6 күнүгэр булуллубут. Бу туһунан Саха сирин Суруйааччыларын Сойууһун пресс-киинэ иһитиннэрэр.

«АЛРОСА» хампаанньа генеральнай дириэктэрэ Павел Маринычев аатыттан сыаналаах минералга суруйааччы аатын иҥэрии туһунан сэртипикээти Василий Егоровичка Саха сирин Суруйааччыларын Сойууһун бэрэссэдээтэлэ Гаврил Андросов туттарда. Кини биир идэлээҕэр саха алмааһыны кытаанах доруобуйаны, айымньылаах уһун олоҕу баҕарда. Василий Егоров-Тумарча бу күннэргэ уочараттаах арамаанын суруйарын түмүктүүр.

Саха сирин Суруйааччыларын Сойууһун бырабылыанньатын чилиэннэрэ АЛРОСА уонна СӨ Бырамыысыланнаска уонна геологияҕа министиэристибэтин салалталарыгар норуот суруйааччыта төрөөбүтэ 90 сылыгар сыаналаах бэлэх иһин махтаннылар уонна инникитин бииргэ таһаарыылаахтык үлэлииллэригэр эрэллэрин биллэрдилэр.