Саха сиригэр алта өрүһүнэн муус устан ааһар

Бүгүҥҥү иһитиннэриинэн муус Өлүөнэ, Дьааҥы, Индигиир, Халыма, Өлөөн, Алаһыай (Алазея) өрүстэринэн устар.  

Өлүөнэ эбэ мууһун аллараа кытыыта Булуҥ улууһугар Күһүүргэ гидропостан 100  км аллараа устар.

Дьааҥы өрүскэ муус — Усуйаана сэлиэнньэтиттэн 35  км аллараа устара бэлиэтэнэр. Индигииргэ муус алын кытыыта Аллайыаха оройуонугар Чокуурдаахха тиийбитэ бэлиэтэнэр, муус хойуутук устар. Халымаҕа муус алын кытыыта Аллараа Халымаҕа Черскэйтэн 36  км аллараа устара бэлиэтэнэр. Үөһээ Халыма оройуонугар Зырянка бөһүөлэгин таһыгар ГЭС ууну ыытарынан, уу таһыма үрдүүрэ салҕанар. Зырянкаҕа аэропорт 45% ууга турар. Сааскылаахха (Анаабыр өрүс) өссө да муустаах, манна муус хамсааһына бэс ыйын бастакы дэкээдэтигэр күүтүллэр.

Сиһилии https://www.sakha.gov.ru/news/5705 манна көрүөххэ сөп.

СӨ Ил Дарханын уонна Бырабыыталыстыбатын пресс-сулууспата