СИА хаартыската
Мииринэй улууһугар баһаардары умуруорарга бары дьаһаллар ылыллыахтара.
Уустук балаһыанньалаах Бүлүү бөлөх улуустарыгар баһаары утары охсуһааччылары илдьиэхтэрэ. Бе-2 амфибия салгын ааллара Үөһээ Бүлүү улууһугар уоту умуруорууга салгыы үлэлииллэр. Туһааннаах быһаарыы бүгүн, от ыйын 21 күнүгэр, суһал ыстаап мунньаҕар ылыллыбыт.
СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрбитинэн, 16:00 ч. 72 ойуур баһаара баара бэлиэтэнэр. Тоҕус баһаар бохсуллубут.
Маны сэргэ, биир ойуур баһаара ураты харыстанар сиргэ бохсуллубут, ону салгыы көрөр, хонтуруоллуур ирдэнэр. Космическай кэтээн көрүү үс ландшафтнай баһаарга ыытыллар.
Суукка саҕаланыаҕыттан 8,34 тыһ. га иэннээх сири хаппыт алта ойуур баһаара умуруоруллубут. Үс баһаар булуллубут.
Ойуур баһаарын 1478 киһи умуруорар, онно 123 тиэхиньикэни туһаналлар. Ону сэргэ 14 салгын аала ботурууллуур. Ми-8 уон борт уоту умуруорууга үлэлиир.
Бе-200 икки амфмбия салгын аала 12.00 ч. Үөһээ Бүлүүгэ көппүттэр.
Үөһээ Бүлүү улууһун баһылыга Валерий Николаев иһитиннэрбитинэн, ойуур уотун 298 киһи умуруора сылдьар, кинилэртэн 125 киһитэ мобилизованнай. Быракааҥҥа нэһилиэги тула минерализованнай балаһаны кэҥэппиттэр. Бүгүн Оҥхой баһаарын умулларар былааннаахтар.
Якутлесресурс генеральнай дириэктэрэ Виктор Омуков этэринэн, 21-с N-дээх баһаары умуруорарга оройуон кииниттэн үс тиэхиньикэни ыыталлар.
Абый улууһун баһылыга Владимир Новиков нэһилиэнньэлээх пууҥҥа куттал суоһаабатын этэр. Баһаары умуруорууга 114 киһи, бөртөлүөт үлэлииллэр.
Өрөспүүбүлүкэ сиригэр-уотугар эрэгийиэннээҕи уонна федеральнай таһымнаах ыксаллаах быһыы-майгы эрэсиимнэрэ салҕаналлар. Маны сэргэ, муниципальнай таһымнаах ыксаллаах быһыы-майгы эрэсиимнэрэ Абый, Бүлүү, Дьааҥы, Үөһээ Бүлүү, Ленскэй, Уус Маайа, Өлүөхүмэ улуустарыгар салҕаналлар.
Ил Дархан бэс ыйын 26 күнүнээҕи ыйааҕынан өрөспүүбүлүкэ сиригэр-уотугар баһаары утары ураты эрэсиим олохтоммута.
СӨ Ил Дарханын уонна Бырабыыталыстыбатын пресс-сулууспата
Бүгүн, от ыйын 31 күнүгэр, Саха сирин сорох улуустарыгар этиҥнээх ардах түһэрэ, +32 кыраадыска тиийэ…
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…