Саха сиригэр алта ойуур баһаарын умуллардылар

Саха сиригэр ааспыт сууккаҕа 6 ойуур баһаарын умуллардылар. Бу туһунан Экологияҕа, айылҕаны туһаныыга уонна ойуур хаһаайыстыбатыгар министиэристибэтин Ойууру харыстааһыҥҥа департаменын салайааччыта Николай Никитин иһитиннэрдэ.

Баһаары Абый, Дьааҥы, Муома, Өймөкөөн, Томпо, Эбээн Бытантай оройуоннарыгар хаптаттылар.

От ыйын 30 күнэ саҕаланыытыгар 25720 гектарга 38 ойуур уота уонна 23138 гектарга сиринэн баһаар бэлиэтэнэр. Ону 365 киһи уонна биир тиэхиньикэ умулларыыга үлэлииллэр. Тэҥнээн көрдөххө, былырыын 137 этэ.

Кутталлаах сезон саҕаланыаҕыттан 423 ойуур баһаарын умулларбыттар (66773,11 га). Суһаллык умулларыы 64 быр. тэҥнэһэр.

СӨ Ил Дарханын ыйааҕынан 2025 сыл бэс ыйын 5 күнүттэн Саха Өрөспүүбүлүкэтин сиригэр-уотугар ураты эрэсиим олохтоммута. Ону тэҥэ сирдээҕи-уоттааҕы баһаары утары эрэсиими Дьааҥыга, Өлүөхүмэҕэ, Чурапчы, Эбээн Бытантай оройуоннарыгар, Жатайга киллэрбиттэрэ. ЫБМ эрэсиимэ билигин Дьааҥы уонна Томпо оройуоннарыгар  үлэлиир.

Баһаар турбутун көрдөххүтүнэ, тута эрэгийиэн диспетчерскэй сулууспатыгар эрийиҥ:7 (4112) 44-74-76. Ону тэҥэ ойуур харыстабылын нүөмэригэр: 8-800-100-94-00. Бу туһунан СӨ Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата иһитиннэрдэ.