Саха сирэ Арассыыйа иһигэр киирбитэ 390 сылыгар анаммыт Таҥара дьиэтин литургиятын тэлэбиидэнньэҕэ быһа эпииргэ көрдөрүөхтэрэ.
Ахсынньы 4 күнүгэр Москватааҕы Кириэмил Успенскай соборугар Сибэтиэй Боҕоруодьусса хараамҥа киирбитин бырааһынньыгар Московскай уонна бүтүн Арассыыйатааҕы Сибэтиэй Патриарх Кирилл Саха сирэ Арассыыйаҕа холбоспута 390 сылыгар анаммыт Таҥара дьиэтин литургиятын ыытыаҕа.
Иисус Христос киһи аймаҕы быыһаабытыгар Айыы Таҥараҕа махтанар сулууспаны “Союз” уонна “Спас” ханаалларга көрдөрүөхтэрэ. Быһа эпиир Москва бириэмэтинэн сарсыарда 10 чааска (Саха сирин бириэмэтинэн – күнүс 4 чааска) саҕаланыаҕа.
Таҥара дьиэтин литургиятыгар Ил Дархан Айсен Николаев, Дьокуускайдааҕы уонна Ленскэйдээҕи Архиепископ Роман кыттыахтара. Таҥара дьиэтин сулууспатын Г.М. Кривошапко аатынан филармония Симфоническай хуора арыаллыаҕа (сүрүн хормейстер – СӨ ускуустубатын үтүөлээх үлэһитэ Людмила Шумилова).
Таҥара дьиэтин литургията – Саха АССР 100 сылын Москваҕа уонна Санкт-Петербурга бэлиэтээһин чэрчитинэн ыытыллар. Урут 2017 сыллаахха Саха сирэ Арассыыйаҕа киирбитэ 385 сылыгар уонна Сибэтиитэл Иннокентий төрөөбүтэ 220 сылыгар анаан Успенскай собуорга сулууспа ыытыллыбыта. Онно аан бастаан былыргы собуорга саха тылынан мэлиэбэн иһиллибитэ.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…