Хаартыска: СИА
Аныгыс нэдиэлэҕэ Красноярскай кыраайтан кэлэр циклон Саха сирин кэккэ оройуоннарыгар сылаас салгыны аҕалара күүтүллэр. Синоптиктар Саха сиригэр хаар, тыал түһэрин сылыктыыллар. Бу туһунан УГМС метеорологическай уонна агрометеорологическай отделын начаалынньыга Саргылана Никитина кэпсээтэ.
«Бу күннэргэ циклон Саха сирин киин оройуоннарынан соҕуруулуу-илин өттүгэр айанныыр. Тымныы уҕараата, кыра хаар түһэрэ бэлиэтэннэ. Тохсунньу 18 күнүгэр арҕаа, киин, Өлүөнэ өрүс уҥуоргу оройуоннарга салгын температурата 6-11 кыраадыс түһэрэ күүтүллэр. Өрөбүлгэ арҕаа, соҕуруулуу-арҕаа, киин оройуоннарга хаардаах, сылаас күн-дьыл турара күүтүллэр», — диэн Саргылана Никитина кэпсээтэ.
Кэлэр нэдиэлэҕэ хас циклон Саха сирин хотугулуу-арҕаа өттүгэр ааһыаҕа, онон атын оройуоннарга кытта сылаас салгын тарҕаныа.
«Кэлэр нэдиэлэ саҕаланыытыгар Красноярскай кыраайтан хас да циклон Саха сирин хотугулуу-арҕаа өттүгэр ааһыахтара. Тыаллаах, хаардаах, нуорматтан сылаас күн-дьыл буолара күүтүллэр. Быһа холоон нуорматтан 10 кыраадыс кэриҥэ үрдүк буолуо. Сэрэдэҕэ-чэппиэргэ соҕуруулуу-арҕаа, соҕуруу оройуоннарга нуорманы таһынан сылаас күннэри кэтэһэбит», — диэн Саргылана Никитина эттэ.
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…
Саҥа сылбыт бу тиийэн кэллэ. Сорохтор “Саҥа дьылбыт” диэхтэрэ. Ол эрээри, тохсунньу 1 күнүттэн саҕаланар…
Бүгүн, ахсынньы 30 күнүгэр, Саха сирин сорох улуустарыгар -23 кыраадыс буолара күүтүллэр диэн УГМС иһитиннэрэр.…
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…